චීනයට පක්ෂපාතී වන ලෙස වැරදි තොරතුරු ප්‍රචාරය කළ සිය ගිණූම් රැසක් අත්හිටුවීමට ෆේස්බුක් සහ ට්විටර් ආයතන තීරණය කර තිබෙනවා. ඔවුන් පවසන්නේ අදාළ ගිණුම් හරහා හොංකොංහි දේශපාලන අසමගිය ඇතිකිරීමට කටයුතු කරන බවයි.
මෙම ගිණූම් සියල්ල ආරම්භ කර ඇත්තේ චීනයෙන් බවද ෆේස්බුක් සහ ට්විටර් ආයතන පවසනවා. ඒ අනුව ට්විටර් ආයතනය විසින් ගිණුම් 936ක් ඉවත් කිරීමටයි පියවර ගෙන ඇත්තේ. තවත් ගිණුම් ලක්ෂ දෙකක් සම්බන්ධයෙන් ට්විටර් ආයතනය අවධානයෙන් සිටින බවයි විදෙස් මාධ්‍ය වාර්තා කළේ.
