Published
දෙහිඕවිට ප්‍රදේශයේදී බස් රථයක් පෙරළීමෙන් පුද්ගලයින් 42 දෙනෙකු තුවාල ලබා රෝහල් ගත කර තිබෙනවා. එලෙස අනතුරට ලක්ව ඇත්තේ උදෑසන 06යි 30ට පමණ ඇඟලුම් සේවිකාවන් පිරිසක් ප්‍රවාහනය කරමින් තිබු බස් රථයක් බවයි පොලිස් මාධ්‍ය ප්‍රකාශක සහකාර පොලිස් අධිකාරි එෆ් යු වුට්ලර් මහතා නෙත් නිවුස් වෙත පැවසුවේ. තුවාල ලැබූවන් අවිස්සාවේල්ල මහ රෝහලට ඇතුලත් කර ඇති අතර ඔවුන්ගේ තත්වය බරපතල නොමැති බවයි ඔහු වැඩි දුරටත් පැවසුවේ. අනතුරට හේතුව බස්රථයේ කාර්මික දෝෂයක් ද එසේ නොමැතිනම් රියදුරුගේ නොසැලකිල්ලද යන්න සම්බන්ධයෙන් විමර්ශන ක්‍රියාත්මක බවද පොලිස් මාධ්‍ය ප්‍රකාශකවරයා වැඩි දුරටත් පැවසුවේ.
