පාස්කු ඉරුදින එල්ල කෙරුනු ත්රස්ත ප්රහාරය පිළිබදව සොයා බැලූ ජනාධිපති පරීක්ෂණ කොමිසම විසින් රාජ්ය බුද්ධි අංශයේ හිටපු අධ්යක්ෂ නිලන්ත ජයවර්ධන මහතාට එරෙහිව නිකුත් කර තිබෙන නිර්දේශ ක්රියාත්මක කරන ලෙස නීතිපතිවරයා සහ පොලිස්පතිවරයා වෙත නියෝගයක් නිකුත් කරන ලෙස ඉල්ලා ගොනු කළ රිට් පෙත්සම කරුණු තහවුරු කිරීම සඳහා මාර්තු මස 24 වනදා කැදවන ලෙස අභියාචනාදිකරණය නියම කලා.
මෙම පෙත්සම අද මායාදුන්නේ කොරයා සහ මහේන් ගොපල්ලාව යන මහත්වරුන්ගෙන් සමන්විත අභියාචනාධිකරණ විනිසුරු මඩුල්ල ඉදිරියේ කැඳවනු ලැබුවා.
එහිදී පෙත්සම්කාර පාර්ශවය වෙනුවෙන් පෙනී සිටුවේ නීතිඥවරිය අධිකරණය හමුවේ ඉල්ලීමක් කරමින් මෙම පෙත්සම කරුණු තහවුරු කිරීම සඳහා දිනයක් නියම කරන ලෙස ඉල්ලා සිටියා.
ඒ අනුව අදාළ පෙත්සම කරුණු තහවුරු කිරීම සඳහා මාර්තු මස 24 වනදා කැඳවන ලෙස විනිසුරු මඩුල්ල නියම කළා.
සමාජ හා සාමයික කේන්ද්රියේ අධ්යක්ෂ රොහන් සිල්වා පියතුමා සහ අදාල ප්රහාරයේ විඳිතයකු බවට පුද්ගලයෙකු වන සුරාච් නිලංග විසින් මෙම පෙත්සම ඉදිරිපත් කර තිබුණා.
පෙත්සම්කරුවන් කියා සිටින්නේ පාස්කු ඉරුදින ත්රස්ත ප්රහාර සිද්ධිය පිළිබඳව සොයා බැලූ ජනාධිපති පරීක්ෂණ කොමිසම මගින් එවක රාජ්ය බුද්ධි සේවයේ හිටපු ප්රධානී නිලන්ත ජයවර්ධන මහතාට එරෙහිව නිර්දේශ කීපයක් නිකුත් කර තිබෙන බවයි.
එහෙත් එම නිර්දේශය මෙතෙක් ක්රියාවට නැංවීමට පියවර ගෙන නොමැති බවත් පෙත්සමෙන් චෝදනා කර තිබෙනවා.
ඒ අනුව අදාළ නිර්දේශ ක්රියාවට නංවන ලෙස පොලිස්පතිවරයාට සහ නීතිපතිවරණයට නියෝගයක් නිකුත් කරන ලෙස ඉල්ලා මෙම පෙත්සම ඉදිරිපත් කර තිබෙනවා.
