අධිකරණයෙන් වරෙන්තු ලැබ සිටි අතුරලියේ රතන හිමි අද පෙරවරුවේ නුගේගොඩ මහේස්ත්‍රාත් අධිකරණය වෙත පැමිණ තිබෙනවා. ඒ, අපේ ජනබල පක්ෂයේ මහ ලේකම් පූජ්‍ය වේදිනිගම විමලතිස්ස හිමියන් පැහැරගෙන ගොස් උන්වහන්සේ බිය ගන්වා 2020 වසරේදී එම පක්ෂයට ලද ජාතික ලැයිස්තු මන්ත්‍රී ධූරය ලබා ගැනීම සම්බන්ධයෙන් එල්ලවන චෝදනාවකට අදාලවයි. අතුරලියේ රතන හිමියන් අත්අඩංගුවට ගැනීමට කොළඹ අපරාධ කොට්ඨාසයේ නිලධාරීන් උන්වහන්සේ වැඩ සිටින රාජගිරියේ සඳහම් සෙවන වෙත ඉකුත් දා ගොස් තිබුණ ද රතන හිමියන් සොයා ගැනීමට නොහැකි වුණා.