ඉන්දුනීසියාවේ දී අත් අඩංගුවට ගත් ප්රබල සංවිධානාත්මක අපරාධකරුවන් මෙන්ම ජාත්යන්තර මත්ද්රව්ය ජාවාරම්කරුවන් වන කෙහෙල්බද්දර පද්මෙ , කොමාන්ඩෝ සලින්ත නොහොත් පිට්ටුවා , බැකෝ සමන් , පානදුරේ නිලංග සහ තැඹිලි ළහිරු නැමති අන්වර්ථ නාම වලින් හදුන්වන ප්රබල සංවිධානාත්මක අපරාධකරුවන් මෙන්ම මත්ද්රව්ය ජාවාරම්කරුවන් 05 දෙනා මිට සුළු මොහොතකට පෙර ගුවන් තොටුපොළ වෙත රැගෙන විත් තිබෙනවා.
අද දින රාත්රී 07.20 ට ඉන්දුනීසියාවේ ජකර්තා නුවර සිට ශ්රී ලන්කන් ගුවන් සේවයේ යූ.එල්.- 365 දරන ගුවන් යානයෙන් දැඩි ආරක්ෂාවක් මධ්යයයේ කටුනායක ගුවන් තොටුපොළ වෙත රැගෙන විත් තිබුණි .
මෙම සිදුවීම සදහා කටුනායක ගුවන් තොටුපොළ තුළත් ඉන් පිටත ප්රදේශයේත් දැඩි ලෙස ආරක්ෂාව තර කර ඇති ආකාරයක් දැක ගන්නට ලැබුණ බවයි නෙත් නිවුස් වාර්තාකරු සඳහන් කර සිටියේ.
ඔවුන් බස්නාහිර උතුර අපරාධ කොට්ඨාශය භාර සහකාර පොලිස් අධිකාරී රොහාන් ඕලුගල සහ අපරාධ පරීක්ෂණ දෙපාර්තමේන්තුවේ සහකාර පොලිස් අධිකාරී මහින්ද ජයසුන්දර යන නිලධාරීන් දෙදෙනා විසින් ඉන්දුනීසියාවේ විශේෂ පොලිස් කණ්ඩායමකගේ සහභාගීත්වයෙන් මෙම අත් අඩංගුවට ගැනීම සිදු කර තිබේ .
මෙම අවස්ථාව නිරීක්ෂණය කිරීම සදහා මහජන ආරක්ෂක අමාත්ය ආනන්ද විජේපාල , පොලිස්පති ප්රියන්ත වීරසූරිය , පොලිස් මාධ්ය ප්රකාශක වුඩ්ලර් යන මහත්වරුන් ඇතුළු පොලීසියේ , පොලිස් විශේෂ කාර්යය බලකායේ සහ අපරාධ පරීක්ෂණ දෙපාර්තමේන්තු උසස් නිලධාරීන් පිරිසක් ද කටුනායක ගුවන් තොටුපොළ වෙත පැමිණ සිටිය බවයි නෙත් නිවුස් වාර්තාකරු සඳහන් කර සිටියේ..
