සක්‍රීය නිරිතදිග මෝසම් තත්ත්වය හේතුවෙන් ප්‍රදේශ කිහිපයක පැයට කිලෝමීටර් 50-60ක් අතර තද සුළං ඇති විය හැකි බව කාලගුණ විද්‍යා දෙපාර්තමේන්තුව පවසනවා. ඒ අනුව, මධ්‍යම කදුකරයේ බටහිර බෑවුම් ප්‍රදේශවලත්, බස්නාහිර, සබරගමුව, දකුණ, වයඹ සහ උතුරු මැද පළාත්වලත් පැයට කිලෝමීටර් 60 දක්වා තද සුළං ඇති විය හැකි බවයි එම දෙපාර්තමේන්තුව සඳහන් කර සිටියේ. එමෙන්ම තද සුළං තත්ත්වය මේ මස 25 වනදා දක්වා පැවතිය හැකි බව කාලගුණ විද්‍යා දෙපාර්තමේන්තුව වැඩි දුරටත් සදහන් කර සිටියා. අද පෙරවරු 8.30 න් අවසන් වූ ගතවූ පැය 24 ක කාලය තුළ වැඩිම වර්ෂාපතනය කැනියන් ප්‍රදේශයෙන් වාර්තා වනවා. ඒ, මිලිමීටර 106 ක්. දිවයිනේ සෙසු ප්‍රදේශවල විටින් විට හමස පැ.කි.මී 30-40ක පමණ තද සුළං ඇතිවිය හැකි බවත් කාලගුණ විද්‍යා දෙපාර්තමේන්තුව සිය නිවේදනය මගින් සඳහන් කර ඇත.