Published
මීමුරේ උඩුදුම්බර කරඹකැටිය ප්‍රදේශයේ වෑන් රථයක් පෙරළීමෙන් සිදුවූ අනතුරින් මේ වන විට පුද්ගලයින් 04 දෙනෙකු මියගොස් ඇති බව පොලීසිය පවසනවා. අනතුරින් කාන්තාවන් තිදෙනෙකු සහ පිරිමි පුද්ගලයෙක් එලෙස ජීවිතක්‍ෂයට පත්ව ඇති බවයි පොලීසිය පවසන්නේ. අනතුරින් තුවාල ලැබූ වයස අවුරුදු 05ක දරුවෙකු සහ තවත් පුද්ගලයෙකු තෙල්දෙණිය රෝහලට ඇතුළත් කිරීමෙන් අනතුරුව වැඩිදුර ප්‍රතිකාර සඳහා පේරාදෙණිය රොහලට ඇතුළත් කර තිබෙනවා. ජීවිතක්‍ෂයට පත්වූ පුද්ගලයින් මීරිගම ගෝනහේන, වෑබඩ, ඉඹුල්ගොඩ සහ හැඳල යන ප්‍රදේශවල පදිංචිකරුවන් බවයි වාර්තා වන්නේ.
