Published
රෝහල් පද්ධතිය තුළ නොමැති ඖෂධ හා ශල්‍ය උපකරණ පහසුකම් බාහිරින් ලබා ගැනීමට නියම කිරීමේදී, වෛද්‍යවරුන්ට අවශ්‍ය නිසි මාර්ග උපදේශනය නොදීමෙන් පැන නඟින නීතිමය ගැටලු හේතුවෙන් විශේෂඥ වෛද්‍යවරුන් ඇතුළු වෛද්‍යවරුන් අපහසුතාවට පත්ව ඇති බව රජයේ වෛද්‍ය නිලධාරීන්ගේ සංගමය පවසනවා. ශ්‍රී ජයවර්ධනපුර රෝහලේ වෛද්‍යවරියක සම්බන්ධයෙන් ඇතිවූ තත්ත්වයත් සමග වෛද්‍යවරුන් රෝහලේ නොමැති ඖෂධ පිටතින් ගෙන්වා ගැනීමට නිර්දේශ කිරීමේදී ඔවුන් තුළ යම් තැති ගැනීමක් හට ගෙන ඇති බවයි එම සංගමයේ ලේකම් වෛද්‍ය ප්‍රභාත් සුගතදාස මහතා පැවසුවේ.
රෝහල තුළ නොමැති ඖෂධ පිටතින් ගැනීමේදී වෛද්‍යවරුන්ට අවශ්‍ය මාර්ග උපදේශ ලබා දෙන ලෙස සෞඛ්‍ය අංශයේ බලධාරීන්ට දැනුවත් කළද මෙතෙක් ඒ සම්බන්ධයෙන් පිළිගත හැකි විසඳුමක් ලබා නොදුන් බවයි රජයේ වෛද්‍ය නිලධාරීන්ගේ සංගමයේ ලේකම්වරයා පැවසුවේ. මේ ඒ පිළිබඳව වැඩිදුරටත් අදහස් දැක්වූ රජයේ වෛද්‍ය නිලධාරීන්ගේ සංගමයේ ලේකම් වෛද්‍ය ප්‍රභාත් සුගතදාස මහතා.
