Published
දූෂණ සහ වංචා නිසා මුදල් පමණක් නොව රාජ්‍ය ආයතනවලින් ක්‍රියාත්මක කෙරෙන වැඩපිලිවෙල ද අඩපණ වන බව අග්‍රාමාත්‍ය ආචාර්ය හරිනි අමරසූරිය මෙනෙවිය පවසනවා. දේශපාලනිකව සහ සමාජීය වශයෙන් පාලනය කෙරෙහි විශ්වාසය යළි ඇති කිරීම අතිශය වැදගත් බවයි අග්‍රාමාත්‍යවරිය පෙන්වා දුන්නේ.
රාජ්‍ය ආයතනවල වැඩපිළිවෙල නිසි ආකාරව සිදු නොවීමෙන් එහි බලපෑම එල්ල වන පිරිස සම්බන්ධයෙන් ද අග්‍රාමාත්‍යවරිය අදහස් පළ කළා. අල්ලසින් හා දූෂණයෙන් තොරවූ පළාත් පාලන ආයතන සංස්කෘතියක් නිර්මාණය කර ගැනීමේ අරමුණින් පවැත්වීමට නියමිත වැඩසටහන් මාලාවේ සමාරම්භක වැඩමුළුව අමතමින් අග්‍රාමාත්‍ය අචාර්ය හරිනි අමරසූරිය මෙනෙවිය මෙම අදහස් පළ කළා. එම වැඩමුළුව බත්තරමුල්ල බස්නාහිර පළාත් සභා ශ්‍රවණාගාරයේ දී පැවැත් වුණා.
