වෙසක් පොහොයදා ජනපති පොදු සමාව ලැබී ඇති බව පවසමින් අනුරාධපුර බන්ධනාගාර අධිකාරිවරයා නිකුත් කල බව කියන ලේඛණයට අනුව අනුරාධුරර මහාධිකණයේ පැවති නඩුවකින් නිදහස්ව ගොස් ඇති බව කියන චෝදනාවකට අපරාධ පරික්ෂණ දෙපාර්තමේන්තුව මගින් අත් අඩංගුවට ගැනීමට සොයමින් සිටින මේ දිනවල දැඩි ආන්දෝලනයකට ලක්ව සිටින ඩබ් එම් අතුල තිලකරත්න නැමති විත්තිකරු ඔහුට එරෙහිව පවතින වෙනත් නඩුවක් සඳහා අද (11) අනුරාධපුර අතිරේක මහේස්ත්‍රාත් අධ්කරණයේ පෙනී සිටියේය ඒ ඔහුගේ නීිතිඥ සුරංග මොහොට්ටි මහතා මගිනි
තමාට එරෙහිව අනුරාධුපර මහේස්ත්‍රාත් අධිකරණයේ පැවති එම නඩුව අවසන් වීමෙන් පසුව අනුරාධපුර මහාධිකරණයේ තමාට එරෙහිව පැවති එච්සී/69/2108 අංක දරණ නඩුවෙන් ජනපති පොදු සමාව යටතේ බව කියමින් නිදහස් වී යාමට අදාළ ලිපිය නිකත් කිරීමේ සිද්ධියකට අනුරාධපුර බන්ධනාගාර අධිකාරිවරයාට එරෙහිව පවතින නඩුව කැඳවූ අවස්ථාවේ එය දැක බලා ගැනීමට අනුරාධපුර ප්‍රධාන මහේස්ත්‍රාත් අධිකරණයේ විවෘත අධිකරණ ශාලාවට පැමිණ සිටියේය
අනුරාධපුර බන්ධනාගාර අධිකාරිවරයාට එරෙහිව පැවති නඩුව කැඳවූ අවස්ථාවේ සිය සේවාදායකයා වන අනුරාධපුර බන්ධනාගාර අධිකාරි මොහාන් කරුණාත්න මහතා වෙනුවෙන් ජ්‍යෙෂ්ඨ නීතිඥ අරවින්ද හබක්කල මහතා කරුණු දක්වන අතරතුර විශේෂයෙන් පවසා සිටියේ තම සේවාදායකයා වන අනුරාධපුර බන්ධනාගාර අධිකාරිවරයා විත්තිකාර ඩබ් එම් අතුල තිලකරත්න යන අය නිදහස් කිරීමට පියවර ගෙන ඇත්තේ නිත්‍යානූකූලව බවයි.
එය වඩාත් තහවුරු වන්නේ ප්‍රශ්න ගත විත්තිකාර අතුල තිලකරත්න යන අය මේ අවස්ථාවේ මෙම අධිකරණයේද පෙනී සිටින නිසා බව නීතිඥවයා කිවේය.
නීතිඥවරයා එලෙස පවසද්දි විත්තිකාර අතුල තිලකරත්න අපරාධ පරික්ෂණ දෙපාර්තමේන්තුවේ නිලධාරීන්ද සිටි විවෘත අධිකරණ ශාලාවේ සිටිමින් අතක් ඔසවමින් තමා අධිකරණයේ සිටින බව මහේස්ත්‍රාත්වරයාට දැන්වීය
විත්තකාර අතුල තිලකරත්නගේ නීතිඥ සුරංග මොහොට්ටි මහතාද අධිකරණයට කරුණ දක්විම් කියා සිටි තම සේවාදායකයා වන ඩබ් එම් අතුල තිලකරත්න ඔහුට එරෙහිව අති වෙනත් නඩුවකට පෙනී සිටීම සඳහා අද (11) දින අනුරාධුපර අතිරේක මහේස්ත්‍රාත් අධිකරණයට පැමිණි බවයි
මේ මොහොතේ ප්‍රධාන මහේස්ත්‍රාත් අධිකරණයේද ඔහු සිටින බව නීතිඥවරයා කියා සිටි නීතිඥවරයා සිය සේවාදායකයා මෙලෙස ප්‍රසිද්ධියේ විවෘත අධිකරණයේ පෙනී සිටින්නේ ඔහුට එරෙහිව අනුරාධපුර මහාධිකරණයේ පැවති එච්සී /69/2018 අංක දරණ නඩුවෙන් නිත්‍යානුකූලව නිදහස්ව සිටින නිසා බවද ප්‍රකාශ කළේය
විත්තිකාර ඩබ් එටම් අතුල තිලකරත්න අත් අඩංගුවට ගැනීමට සොයමින් සිටින බව කියන අපරාධ පරික්ෂණ දෙපාර්තමේන්තුවේ නිළධාරීන් කන්ඩායමක් අනුරාධපුර බන්ධනාගාර අධිකාරිවරයාගේ නඩුවට පෙනී සිටීම සඳහා එම අවස්ථාවේ පැමිණ විවෘත අධිකරණයේ පෙනී සිටියේය අනුරාධපුර බන්ධනාගාර අධිකාරිවරයාගේ නඩුව අවසන් වීමෙන් අනතුරුව විත්තිකාර ඩබ් එම් අතුල තිලකරත්න තම මිතුරන් සමඟ අධිකරණ භූමියේ කතා බස් කරමින් සිට පසුව අපරාධ පරික්ෂණ දෙපාර්තමේන්තුවේ නිළධාරීන් අසලින්ම අධිකරණ භූමියෙන් පිටව ගියේය
