පකිස්තානයේ පෙෂාවර් විශ්ව විද්යාලයේ සිසුන් දෙදෙනෙකු අතුරුදහන් වීමට එරෙහිව විවිධ සංවිධානවල සිසුන් විසින් අඛණ්ඩ විරෝධතාවක් ආරම්භ කර තිබේ.
වසිරිස්තාන් ශිෂ්ය සංගමයේ නායකත්වයෙන් යුත් විරෝධතාකරුවන් දෙපාර්තමේන්තු කිහිපයකට ගොස් සිසුන්ට පන්ති වර්ජනය කිරීමට බල කළ බව එරට ජනමාධ්ය වාර්තා කරයි.
ඔවුන් අවන්හල් වසා දැමීමට ද බල කළහ.
ජාත්යන්තර සබඳතා දෙපාර්තමේන්තුවේ තුන්වන අධ්යයන වාරයේ කුබයිබ් වසීර් සහ දේශපාලන විද්යා දෙපාර්තමේන්තුවේ පස්වන අධ්යයන වාරයේ අද්නාන් වසීර් නමැති අතුරුදන්ව සිටින සිසුන් කඩිනමින් නිදහස් කරන ලෙස සිසුන් ඉල්ලා තිබෙනවා.
නොවැම්බර් 12 වන දින කයිබර් පක්තුන්ක්වා සභාවේදී පළාත් රජය විසින් කැඳවන ලද මහා ජිර්ගාවට සහභාගී වීමෙන් පසු සිසුන් දෙදෙනා විශ්ව විද්යාලය වෙත ආපසු යමින් සිටියදී හඳුනා නොගත් පුද්ගලයින් දෙදෙනෙකු විසින් ඔවුන් දෙදෙනා රැගෙන ගිය බවට ඔවුහු චෝදනා කළහ.
විරෝධතාකරුවන් කයිබර් වෛද්ය විද්යාලයෙන් පිටත විරෝධතා කඳවුරක් පිහිටුවා විශ්වවිද්යාල පරිශ්රයට යන ප්රධාන මාර්ගය අවහිර කර තිබෙනවා.
මෙම විරෝධතාවය වසිරිස්තාන් ශිෂ්ය සංගමය විසින් දියත් කරන ලද අතර, පාලක පීටීඅයි හි ඉන්සාෆ් ශිෂ්ය සම්මේලනයේ ක්රියාකාරීන් පෙරමුණේ සිටියහ.
ජනතාවගේ ආරක්ෂාව සහතික කිරීම පළාත් රජයේ වගකීමක් බව සිසුන් අවධාරනය කළහ.
පක්තුන්ක්වා ශිෂ්ය සම්මේලනයේ ක්රියාකාරිකයෙකු ඩෝන් පුවත්පතට පැවසුවේ හඳුනා නොගත් පුද්ගලයින් කණ්ඩායමක් විසින් රැගෙන ගිය සිසුන් පීටීඑම් හි ක්රියාකාරීන් නොවන බවත් ඒ වෙනුවට ඔවුන් වසිරිස්තාන් ශිෂ්ය සංගමයට අයත් බවත්ය.
