අලි මිනිස් ගැටුම වැළැක්වීම සඳහා අභියාචනාධීකරණයේ මැදිහත් වීම මත පරිසර යුක්ති කේන්ද්රය විසින් සකස් කළ යෝජනාවලිය ක්රියාවට නැංවීමට ගෙන තිබෙන පියවර සම්බන්ධයෙන් නොවැම්බර් මස 10 වනදා කරුණු දක්වන ලෙස අභියාචනාදීකරණය විසින් වනජීවි දෙපාර්තමේන්තුවට අද නියම කළා. ඒ, මෙම කරුණට අදාල පෙත්සම දමිත් තොටවත්ත සහ සරත් දිසානායක යන අභියාචනාධිකරණ විනිසුරු මඩුල්ල ඉදිරියේ කැඳවූ අවස්ථාවේදීයි. අලි මිනිස් ගැටුම වැළැක්වීම සඳහා අභියාචනාදිකරණයේ මැදිහත්වීම මත මීට පෙර පරිසර යුක්ති කේන්ද්රය විසින් යෝජනා මාලාවක් මීට පෙර සකස් කර තිබුණා.
පසුව එම යෝජනා මාලාව ක්රියාවට නැංවීම සඳහා අධිකරණයේ දැනුම් දීම මත වන ජීවී දෙපාර්තමේන්තුවට යොමු කර තිබුණත් එය මෙතෙක් ක්රියාවට නංවා නොමැති බව අදාළ නඩුව අද කැඳවූ අවස්ථාවේදී පරිසර යුක්ති කේන්ද්රය වෙනුවෙන් පෙනී සිටි නීතීඥ ආචාර්ය රවින්ද්රනාත් දාබරේ මහතා අධිකරණය හමුවේ සඳහන් කර සිටියා.
අදාළ යෝජනා මාලාව ක්රියාවට නැංවීම සම්බන්ධයෙන් ගෙන තිබෙන ක්රියාමාර්ග ගැන වනජීවි දෙපාර්තමේන්තුව මේ දක්වා අධිකරණයට පවා කරුණු දක්වා නොමැති බවටයි ඔහු චෝදනා කළේ.
ඉදිරිපත් වූ කරුණු සලකා බැලූ විනිසුරු මඩුල්ල මෙම යෝජනාවලිය ක්රියාත්මක කිරීමට ගෙන තිබෙන පියවර සම්බන්ධයෙන් නොවැම්බර් මස 10 වනදා අධිකරණය හමුවේ කරුණු දක්වන ලෙස වනජීවී දෙපාර්තමේන්තුවට නියෝග කළා.
