තියුණු තරඟයකින් පසුව සිම්බාබ්වේ කණ්ඩායම සමග පැවති එක් දින තරඟය ජය ගැනීමට හැකි වූයේ අවසන් පන්දුව දක්වාම කණ්ඩායම් හැඟීමෙන් ක්‍රීඩා කිරීම හේතුවෙන් බව ශ්‍රී ලංකා ක්‍රිකට් කණ්ඩායමේ වේග පන්දු යවන ක්‍රීඩක ඩිල්ෂාන් මධුෂංක පවසනවා. දෙරට අතර පැවති තරඟයෙන් අනතුරුව මාධ්‍ය හමුවේ අදහස් දක්වමින් ඔහු මේ බව කියා සිටියා.

සිම්බාබ්වේ කණ්ඩායම සමග පැවති පළමු එක්දින ක්‍රිකට් තරඟය ශ්‍රී ලංකාව ජය ගනු ලැබුවේ ලකුණු 07කින්. ඒ, අවසන් පන්දු වාරයේදී ඩිල්ෂාන් මදුශංක ලබාගත් කඩුලු ත්‍රිවයත් සමගින්. තරඟයේ පළමුව පන්දුවට පහරදුන් ශ්‍රී ලංකා කණ්ඩායම නියමිත පන්දු වාර 50 අවසානයේදී කඩුලු 06ක් දැවී රැස්කරගත් ලකුණු සංඛ්‍යාව 298ක්. ජයග්‍රාහී ලකුණු 299ක ඉලක්කයක් හඹා යාමට පිටියට පිවිසි සිම්බාබ්වේ කණ්ඩායමට නියමිත පන්දුවාර 50 අවසානයේ කඩුලු 8ක් දැවී රැස් කරගත හැකි වූයේ ලකුණු 291 ක් පමණයි. ඩිල්ශාන් මදුෂංක ලකුණු 62කට කඩුලු 04ක් දවා ගනිමින් තරඟයේ වීරයා සම්මානය දිනා ගත්තා. අසිත ප්‍රනාන්දු කඩුලු 03ක් දවා ගත්තා. දෙරට අතර දෙවන එක්දින තරඟය හෙට පැවැත්වීමට නියමිතයි.