අමෙරිකා එක්සත් ජනපදය විසින් මෙරට අපනයන මත පනවනු ලැබූ තීරුබදු අඩු කර ගැනීම සම්බන්ධයෙන් ජනාධිපති අනුර කුමාර දිසානායක මහතා සහ එරට වෙළෙඳ නියෝජිත කාර්යාලයේ තානාපති ජේමිසන් ග්‍රියර් මහතා අතර විශේෂ සාකච්ඡාවක් පවත්වා තිබෙනවා.

ඒ, මාර්ගගත ක්‍රමය ඔස්සේයි.

මෙරටට පනවා ඇති තීරුබදු අඩු කර ගැනීම සහ දෙරට අතර වෙළෙඳ සහ ආයෝජන සබඳතා වර්ධනය කර ගැනීම මෙම සාකච්ඡාවේ මූලික අරමුණ වී තිබෙනවා.

මෙම මාර්ගගත සාකච්ඡාව සඳහා මුදල් අමාත්‍යාංශයේ ලේකම් ආචාර්ය හර්ෂණ සූරියප්පෙරුම මහතා සහ අමෙරිකා එක්සත් ජනපද වෙළෙඳ නියෝජිත කාර්යාලයේ නිලධාරීන්ද සම්බන්ධ වුණා.