ඉන්දියාවේ සංචාරයක නිරත ෆීජි අග්‍රාමාත්‍ය සිටිවේනි ලිගමමඩා රබුකා ඉන්දීය අග්‍රාමාත්‍ය නරේන්ද්‍ර මෝදි හමුවී තිබේ. ඉන්දීය මාධ්‍ය පැවසුවේ එහිදී ඔවුන් දෙරටේ ආරක්ෂක සබඳතා පුළුල් කිරීමේ පුළුල් ක්‍රියාකාරී සැලැස්මක් තහවුරු කර ඇති බවයි. ඉන්දියාව සහ ෆීජි සාගර දෙකක විය හැකි නමුත් දෙරටේ අභිලාෂයන් එකම බෝට්ටුවක යාත්‍රා කරන බව අගමැති මෝදි ෆීජි නායකයා සමඟ පැවසීය. ඉන්දියාව සහ ෆීජි රාජ්‍යය නිදහස්, ඇතුළත්, විවෘත, සුරක්ෂිත සහ සමෘද්ධිමත් ඉන්දියා-පැසිෆික් කලාපයකට සහාය දක්වන බව ද අගමැති මෝදි පැවසීය. දින තුනක සංචාරයක් සඳහා අග්‍රාමාත්‍ය රබුකා ඉකුත් ඉරිදා දිල්ලියට පැමිණියේය. දකුණු පැසිෆික් රාජ්‍යයේ අග්‍රාමාත්‍යවරයා ලෙස ඔහු ඉන්දියාවට පැමිණි පළමු අවස්ථාව මෙයයි. ෆීජි යනු සමුද්‍ර ආරක්‍ෂාව සම්බන්ධයෙන් ඉන්දියාවට වැදගත් රාජ්‍යයකි. පැසිෆික් කලාපයේ සිය උපායමාර්ගික ශක්තිය පුළුල් කිරීමට චීනය දරන නොපසුබට උත්සාහයේ පසුබිමට එරෙහිව ඉන්දියාව ෆීජි සමඟ සිය ආරක්ෂක සබඳතා පුළුල් කිරීමට සූදානමෛන් සිටියි. අගමැති මෝදි සහ ෆීජි අගමැති රබුකා අතර පැවති සාකච්ඡාවලින් අනතුරුව දෙපාර්ශවය ක්ෂේත්‍ර ගණනාවක පුළුල් සහයෝගීතාව සඳහා ගිවිසුම් හතකට අත්සන් තැබීය.
Published
