රුපියල් ලක්ෂ අටක් වටිනා විදේශීය නිෂ්පාදිත විස්කි බෝතල් තොගයක් නීතිවිරෝධී ලෙස මෙරටට රැගෙන විත් ඒවා කටුනායක ගුවන් තොටුපොළෙන් පිට කර ගෙන යමින් සිටි ශ්රී ලාංකික ගුවන් මගියෙකු අද(13) අලුයම ගුවන් තොටුපොළ පොලිස් මත්ද්රව්ය කාර්යාංශයේ නිලධාරීන් පිරිසක් විසින් අත් අඩංගුවට ගෙන තිබෙනවා.
මොහු 28 හැවිරිදි මිනුවන්ගොඩ ප්රදේශයේ පදිංචි 28 හැවිරිදි ව්යාපාරිකයෙකි.
මොහු අද(13) දින අලුයම 12.30 ට ඩුබායි සිට එමිරේට්ස් ගුවන් සේවයේ ඊ.කේ. - 648 දරන ගුවන් යානයෙන් කටුනායක ගුවන් තොටුපොළ වෙත පැමිණ තිබුණා.
ඔහු විසින් රැගෙන ආ ගමන් මලු තුළ විස්කි බෝතල් 69 ක් සගවා ගෙන තිබියදී පොලිස් මත්ද්රව්ය කාර්යාංශයේ නිලධාරීන් විසින් අත් අඩංගුවට ගෙන තිබෙනවා.
මේ වනවිට මොහු පොලිස් ඇප මත මුදා හැර ඇති අතර ඔහු සහ ඔහු විසින් නීතිවිරෝධී ලෙස මෙරටට රැගෙන ආ විස්කි බෝතල් තොගය 12/15 දින මීගමුව මහේස්ත්රාත් අධිකරණය වෙත ඉදිරිපත් කිරීමට නියමිතයි.
