Published
කොළඹ ජාතික රෝහලේ වැඩබලන නියෝජ්ය අධ්යක්ෂ ලෙස කටයුතු කළ වෛද්ය රුක්ෂාන් බෙල්ලන මහතාගේ රාජකාරී වැඩ තහනම් කිරීමට පියවර ගෙන තිබෙනවා.
සෞඛ්ය හා ජනමාධ්ය අමාත්යාංශයේ ලිපි ශීර්ෂය යටතේ නිකුත් කල ලිපියක දැක්වෙන්නේ සෞඛ්ය අමාත්යාංශය මගින් සිදුකරන ලද මූලික විමර්ශනයන්ට අනුව ඔහුගේ වැඩ තහනම් කර ඇති බවයි.
වෛද්ය රුක්ෂාන් බෙල්ලන මහතා වගකිවයුතු තනතුරක් දරණ රජයේ වෛද්ය නිලධාරියෙකු වශයෙන් විවිධ මාධ්ය ඔස්සේ රට තුළ ආන්දෝලනාත්මක තත්ත්වයක් ඇති වන ආකාරයෙන් සහ මහජනතාව තුළ නොසන්සුන්තාවයක් ඇති වන ආකාරයෙන් කටයුතු කරමින් අනුමැතියකින් තොරව ජනමාධ්ය වෙත ප්රකාශ සිදුකර ඇති බවයි එහි දැක්වෙන්නේ.
මේ සම්බන්ධයෙන් විධිමත් විනය ක්රියාමාර්ගයන් ඉදිරියේදී ගනු ලබන බවද අදාළ ලිපියේ සදහන්.
