විපක්ෂ නායක සජිත් ප්‍රේමදාස මහතා කළ සාකාච්ජාවක් පහතින් සදහන් වේ. "එකමුතුවීම එකමුතුව ශක්තිය පිළිගන්නා නමුත් ඒ සඳහා හර පද්ධතියක් ප්‍රතිපත්තියක් තිබිය යුතු බවත් බලය තිබුණත් නැතත් එකමුතු වුවත් නැතත් ජනතා ගැටලු විසඳිය යුතු බවත් අද වන විට දකුණු ඉවුර වම් ඉවුර ගැන කතා වුවත් මෙරට වම් ඉවුර වෙනස් කර 77 මැද ඉවුරක් ආව බවත් ජේ. ආර්. ජයවර්ධන ජනාධිපතිවරයා අන්ත දක්ෂිණාංශික නොවන බවත් එතුමා ගම්උදා වැඩසටහන,මහපොළ ක්‍රියාත්මක කර 30 අවුරුදු මහවැලිය පස්වසරකින් අවසන් කළ බවත් විපක්ෂ නායකවරයා පැවසීය. දකුණු ඉවුරේ ඉහළ ශක්තිමත් කර පොහොසතුන්ට වරදාන වරප්‍රසාද දුන්නාට ඒවා පහළට කාන්දු වෙයි කියන ප්‍රතිපත්තිය එදා ක්‍රියාත්මක නොවුනු බවත් එදා මැද පිළිවෙත හෙවත් සමාජ ප්‍රජාතන්ත්‍රවාදය ක්‍රියාත්මක වූ බවත් දකුණු ඉවුර කියා ලුම්පන් ධනවාදයටත් වම් ඉවුර කියා අන්ත කොමියුනිස්ට්වාදයටත් ඉඩ නොමැති බවත් විපක්ෂ නායකවරයා පැවසීය. අන්ත ධනවාදය සමග එකට හිටගෙන දේශීය ණය ප්‍රතිව්‍යුහගතකරණයේදී බැංකු පද්ධතිය සහ ධනපතියනි ආරක්ෂා කිරීම දකුණු ඉවුර බවත් රටට ජනතාවට අගයක් එකතු කරන හර පද්ධති හා ප්‍රතිපත්ති මත එකතු විය යුතු බවත් සමගි ජන බලවේගය අනුගමනය කරන්නේ මැද මාවත බවත් විපක්ෂ නායක කාර්යාලයේ දී පැවසීය. විපක්ෂ නායක සජිත් ප්‍රේමදාස මහතා මේ බව කියා සිටියේ අද විපක්ෂ නායක කාර්යාලයේ දී සිවිල් සංවිධාන එකමුතුව සමග පැවැති හමුවකදීය. මැද මාවත යනු මානුෂීය ධනවාදය ධනය උත්පාදනය කර එම උත්පාදනය කරන ධනය සමාජ ප්‍රජාතන්ත්‍රවාදය හරහා ජනතාවට බෙදා දිය යුතු බවත් එක්තරා පැළැන්තියකට එක්තරා කණ්ඩායමකට එක්තරා ගජමිතුරන්ට වරප්‍රසාද දී ඒවාට දකුණු ඉවුර කියා කෝටිපතියන් තවත් කෝටිපතියන් කරන ගමනකට අත ඉස්සිය නොහැකි බවත් උත්පාදනය කරන ධනය හා සම්පත් සාධාරණව සමානව බෙදී යා යුතු බවත් සංවර්ධනයේ ප්‍රගතියේ ප්‍රතිලාභ සැමට බෙදා ගත හැකි හර පද්ධතියක් යටතේ පමණක් එකතු විය යුතු බවත් විපක්ෂ නායකවරයා පැවසීය. මාධ්‍ය නිදහස පණ මෙන් සුරැකිය යුතුය එමෙන්ම කතා කිරීමේ නිදහස දේශපාලන මත දැරීමේ නිදහස භාෂණයේ නිදහස තිබිය යුතු බවත් ප්‍රජාතන්ත්‍රවාදය සුරකින විධායකය, ව්‍යවස්ථාදායකය සහ අධිකරණයට අමතරව මාධ්‍ය නිදහස වැදගත් බවත් මෙකී මාධ්‍ය නිදහස පණ මෙන් සුරැකිය යුතු බවත් ජනතාව තොරතුරු දත්ත කරුණු මඟින් සවිබල ගන්වන්නේ මාධ්‍ය නිසා මේ ජනමාධ්‍ය නිසා ජනතාව සත්‍ය දැන ගන්නා බවත් මේ ජනමාධ්‍ය නිදහසට බාධා එල්ල කිරීම ප්‍රජාතන්ත්‍රවාදයට එල්ල කරන මරු පහරක් බවත් විපක්ෂ නායකවරයා පැවසීය. ජනතාවගේ මූලික අයිතිය සුරැකිය යුතුය ජනතාවගේ මූලික හා මානව අයිතිය ආරක්ෂා කළ යුතු බවත් මෙයට සිවිල් හා දේශපාලන අයිතිය පමණක් නොව ආගමික සංස්කෘතික දේශපාලන, ආර්ථික, අධ්‍යාපන, සෞඛ්‍ය අයිතිය තිබිය යුතු බවත් හිතුමතේට තර්ජනය කර ජනතාවට තොරතුරු සැගවිය නොහැකි බවත් ජනමාධ්‍ය ක්ෂේත්‍රය ද ස්වයං නියාමනයක් විය යුතු බවත් විපක්ෂ නායකවරයා වැඩිදුරටත් පැවසීය. සෑම පුරවැසියකුටම සුබසිද්ධිය උදා කරවන ප්‍රතිපත්ති කෙරෙහි යොමුවිය යුතුයි හර පද්ධති සමග ජනතාවට සිදුවන සේවාව හා සංවර්ධන ඉලක්ක කර ප්‍රතිපත්ති සකස් කළ යුතු බවත් සමාජයේ ඇති පිරමීඩයේ විවිධ තල ඇති බවත් ගෝඨාභය රාජපක්ෂ එදා බිලියන ගණනින් බදු සහන දෙන විට එයට කිසිවක් විරුද්ධ නොවූ බවත් අවසානයේ ඒ නිසා රට බංකොලොත් වූ බවත් මේ පිරමීඩය තුළ විවිධ තලවල අය තමන්ට හරි යනවා නම් වැරැද්දට පවා කටවහන් ඉන්න බවත් එය නොවිය යුතු බවත් සෑම පුරවැසියකුටම සුබසිද්ධිය උදා කරවන ප්‍රතිපත්ති කෙරෙහි දැන්වත් යොමුවිය යුතු බවත් විපක්ෂ නායකවරයා වැඩිදුරටත් පැවසීය."
Published
