ග්‍රාමීය දුප්පත් ජනතාවගේ අවශ්‍යතාවන් සොයා බලා ඔවුන් ආර්ථික වශයෙන් නඟාසිටුවීම වත්මන් රජයේ වගකීම බව ජනාධිපති අනුර කුමාර දිසානායක මහතා පවසනවා. ඉලක්ක සහගත ප්‍රජාවට සහනාධාර ලබාදීම ජාතික ජන බලවේග ආණ්ඩුවේ ප්‍රතිපත්තිය බව ජනාධිපතිවරයා පවසනවා. ජනාධිපති අනුර කුමාර දිසානායක මහතා මේ බව සඳහන් කළේ ‘ප්‍රජාශක්ති‘ ජාතික වැඩසටහනේ සමාරම්භයට එක්වෙමින්.

ආරථිකය ස්ථාවර කිරීම සඳහා අවශ්‍ය සාධක සැලකිය යුතු මට්ටමකින් සාර්ථක කර ගැනීමට පසුගිය කාලය තුළ රජයට හැකියාවක් ලැබීමත් සමග නව ආයෝජකයින් මෙරටට පැමිණෙමින් සිටින බවයි ජනාධිපතිවරයා එහිදී සඳහන් කළේ. සහනාධාර ලැබිය යුතු ජනතාව නිවැරදිව හඳුනාගත් යුතු බවත් ඒ තුළින් ග්‍රාමීය ජනතාවට සහනාධාර ලබාදෙන ආකාරය නිවැරදිව සිදුකළ හැකි බවත් එයට රාජ්‍ය නිලධාරීන් අවංකව මැදිහත් විය යුතු බවයි ජනාධිපතිවරයා ‘ප්‍රජාශක්ති‘ ජාතික වැඩසටහනට එක්වෙමින් වැඩිදුරටත් සඳහන් කළේ.