Published
තවදුරටත් බදු අඩු කළ හැකිදැයි අමෙරිකාව සමග අනිවාර්යෙන්ම සාකච්ඡා කළ යුතු බව ආර්ථික විශ්ලේෂක ධනනාත් ප්‍රනාන්දු මහතා පවසනවා. නෙත් නිවුස් සමග විශේෂ සංවාදයකට එක්වෙමින් ඔහු සඳහන් කළේ ලොව සෙසු රටවල් බදු අඩු කරගැනීම සම්බන්ධයෙන් අමෙරිකාව සමග සිදු කරන සාකච්ඡාවල වක්‍ර බලපෑමක් ශ්‍රී ලංකාවට එල්ල විය හැකි බවයි.
අමෙරිකාව සමග ඉදිරියටත් ගනුදෙනු කිරීම සඳහා ශ්‍රී ලංකාව ශක්තිමත් කණ්ඩායමක් සකස් කරගත යුතු බවයි ආර්ථික විශ්ලේෂක ධනනාත් ප්‍රනාන්දු මහතා පැවසුවේ. රටවල් 90කට වැඩි සංඛ්‍යාවකට බලපැවැත්වෙන පරිදි අමෙරිකානු ජනාධිපති ඩොනල්ඩ් ට්‍රම්ප් සිය බදු ප්‍රකාශය අද ප්‍රකාශයට පත් කළා. එහිදී ශ්‍රී ලංකාව වෙනුවෙන් ප්‍රකාශයට පත් කළ බදු ප්‍රතිශතය සියයට 20ක්.
