දකුණු අප්රිකාවේ ජොහැන්නස්බර්ග් නගරය ආසන්නයේ අද අළුයම සිදුවූ වෙඩි තැබීමකින් පුද්ගලයින් 09දෙනෙකු ජීවිතක්ෂයට පත්ව තිබෙනවා.
දකුණු අප්රිකාවේ ජොහැන්නස්බර්ග් නගරයට කිලෝමීටර් 40ක් (සැතපුම් 25ක්) නිරිත දෙසින් පිහිටි රන් කැණීම් ප්රදේශයක පිහිටි බෙකර්ස්ඩල් නගරයේ තැබෑරුමේදී මෙම වෙඩි තැබීම සිදු වී ඇති බවයි විදෙස් මාධ්ය වාර්තා කරන්නේ.
එම වෙඩි තැබීමෙන් තවත් පුද්ගලයින් දස දෙනෙකු තුවාල ලබා තිබෙනව.
මේ මාසයේ දකුණු අප්රිකාවේ සිදු වූ දෙවන වෙඩි තැබීම මෙය බව පොලිසිය පවසන්නේ.
ඔවුන් අත්අඩංගුවට ගැනීම සඳහා එරට පොලිසිය විමර්ශන ආරම්භ කර තිබෙනවා.
දකුණු අප්රිකාව ලෝකයේ ඉහළම මිනීමැරුම් අනුපාතවලින් එකක් වන අතර, පොලිස් දත්ත වලට අනුව, අප්රේල් සහ සැප්තැම්බර් අතර කාලය තුළ දිනකට සාමාන්යයෙන් පුද්ගලයින් 63 දෙනෙකු මිය ගොස් තිබෙනවා.
එයින් වැඩි ප්රමාණයක් සංවිධානාත්මක ජාල සහ කල්ලි මගින් මෙහෙයවනු ලබන බවයි විදෙස් මාධ්ය වාර්තා කරන්නේ.
තවත් ඉහළ පෙළේ ඝාතනයකදී, නාගරික පොලිස් ප්රධානියෙකුට එරෙහිව සාක්ෂි දී සති කිහිපයකට පසු, දෙසැම්බර් 5 වන දින දූෂණ විමර්ශනයක සාක්ෂිකරුවෙකු ඔහුගේ පවුලේ අය ඉදිරිපිටදී වෙඩි තබා ඝාතනය කර තිබෙනවා
මෑත මාසවල සිදු වූ දරුණුතම සමූහ වෙඩි තැබීමකින් එකක් වූ 2024 සැප්තැම්බර් මාසයේදී නැගෙනහිර කේප් පළාතේ ග්රාමීය නිවසක දී ඥාතීන් 18 දෙනෙකු වෙඩි තබා ඝාතනය කරන ලදී.
