පකිස්තාන රජය විසින් මෙරට ආපදා තත්වය හමුවේ ආපදාවට ලක් වී ඇති ශ්‍රී ලාංකික ජනතාව වෙත ලබා දීම සදහා මෙට්‍රික් ටොන් 13 ක් බරැති ආධාර තොගයක් අද(11) පස්වරුවේ කටුනායක ගුවන් තොටුපොළ වෙත එවා තිබෙනවා.

එම ආධාර තොගය තුළ මදුරු දැල් 3,000 ක් වායු මෙට්ට 2,000 ක්, සුදු පැහැති ඇද ඇතිරිළි 1,000 ක් සහ මෙට්ට 100 ක් ද තිබූ අතර ඒවායේ මුළු බර කිලෝ ග්‍රෑම් 13,961ක් වනවා.

මෙම ආධාර තොගය අද(11) පස්වරු 05.20 ට පකිස්තානයේ ලාහෝර් නුවර සිට ශ්‍රී ලන්කන් ගුවන් සේවයේ යූ.එල්.- 154 දරන ගුවන් යානයෙන් කටුනායක ගුවන් තොටුපොළ වෙත එවා තිබුණා.

මෙම අධාර තොගය භාර ගැනීම සදහා ශ්‍රී ලංකා ආපදා කළමනාකරණ මධ්‍යස්ථානයේ නිලධාරීන් පිරිසක් සහ ශ්‍රී ලංකාවේ පකිස්තානු මහ කොමසාරිස් කාර්යාලයේ නිලධාරීන් පිරිසක් ද කටුනායක ගුවන් තොටුපොළ වෙත පැමිණ තිබෙනවා.