මහනුවර, පල්ලෙකැලේ ප්රදේශයේ පිහිටි ගිනි පෙට්ටි කම්හලක ඊයේ රාත්රියේ හටගත් ගින්න පැතිර යාම මේ වනවිට පාලනය කර තිබෙනවා. මහනුවර මහ නගර සභාවේ ගිනි නිවීම් ඒකකය පැවසුවේ අදාළ කම්හලේ විවිධ ස්ථානවල විටින් විට සුළු ගැනීමේ තත්ත්වයන් තවමත් පවතින බැවින් ගිනි නිවීමේ භටයින් තවදුරටත් එම ස්ථානයේ රැදී සිටින බවයි.
ඊයේ රාත්රි 8 යි 30ට පමණ එම ගින්න හටගෙන ඇති බව මහනුවර ගිනි නිවීම් ඒකකය වෙත වාර්තා වී තිබෙනවා. ඒ අනුව ඊයේ රාත්රි සිට අද අලුයම දක්වා දැඩි පරිශ්රමයක් යොදා ගින්න පැතිරයාම මැඩපැවැත්වූ බවයි මහනුවර ගිනි නිවීම් ඒකකයේ ප්රකාශයෙකු පැවසුවේ. යුද හමුදාවේද සහාය ඒ සදහා ලැබී තිබෙනවා. ගිනි නිවීමේ රථ 3 ක් සහ ගිනි නිවීමේ භටයින් දස දෙනෙකු එම මෙහෙයුම් සදහා එක් කළ බවයි මහනුවර මහ නගර සභාවේ ගිනි නිවීම් ඒකකය වැඩිදුරටත් සදහන් කළේ.
එම ගින්න හේතුවෙන් අදාළ ගිනි පෙට්ටි කර්මාන්ත ශාලාවට දැඩි ලෙස හානි සිදුව ඇති බවද මහනුවර ගිනි නිවීම් ඒකකයේ නිලධාරියෙකු නෙත් නිවුස් වෙත කියාසිටියා.
