ඕස්ට්‍රේලියාව පිලිපීන සමග එක්ව මහා පරිමාණ යුද අභ්‍යාසයක් දියත් කර තිබේ. එම යුධ අභ්‍යාසයට සමගාමීව සජීවී-වෙඩි අභ්‍යාස, සටන් උපමාරු සහ මතභේදයට තුඩු දී ඇති පිලිපීන නගරයක දී 3,600 කට වැඩි හමුදා භටයින් සම්බන්ධ කර ගනිමින් ඔවුන් මෙම යුද අභ්‍යාසය පවත්වයි. මෙම අභ්‍යාසය පිලිපීන භාෂාවෙන් රැල්ල යන අර්ථය ඇති ඇලන් ලෙස හඳුන්වන අතර ඕස්ට්‍රේලියාවේ යුද බලය එහිදී ප්‍රදර්ශනය කරනු ඇත. මෙම අභ්‍යාසවලට මිසයිල නාශක නෞකා, F/A-18 වර්ගයේ සුපර්සොනික් ප්‍රහාරක ජෙට් යානා, C-130 භට පිරිසක් සහ භාණ්ඩ ප්‍රවාහන ගුවන් යානා, යුද ටැංකි නාශක අවි සහ විශේෂ බලකායේ ස්නයිපර් අවි ඇතුළත් වේ. පිලිපීන ආරක්ෂක බලධාරීන් පැවසුවේ එක්සත් ජනපදය, කැනඩාව, ජපානය, දකුණු කොරියාව, නවසීලන්තය සහ ඉන්දුනීසියාව යන රටවල ආරක්ෂක හමුදාව ඒ සඳහා එක්වනු ඇති බවයි.