බංග්ලාදේශ ආරක්ෂක හමුදාව සහ එරට හිටපු අග්‍රාමාත්‍ය ෂෙයික් හසීනාගේ ආධාරකරුවන් අතර හටගත් ගැටුමකින් පුද්ගලයින් සිව් දෙනෙකු මිය ගොස් විශාල සංඛ්‍යාවක් තුවාල ලබා ඇති බව එරට ප්‍රාදේශීය මාධ්‍ය පවසයි.
නිරිතදිග ගෝපාල්ගන්ජ් දිස්ත්‍රික්කය, හසීනාගේ පාරම්පරික නිවස සහ ඇගේ අවාමි ලීග් පක්ෂයේ බලකොටුව දෙසට ගමන් කළ විරෝධතා පා ගමනක් මෙම ගැටුමට හේතුවී ඇතැයි පැවසේ.
විරෝධතාකරුවන්ට හසීනාගේ අවාමි ලීගයේ ආධාරකරුවන් බාධා එල්ල කිරීම හමුවේ උද්ගත වූ ගැටුම්කාරී තත්වය සඳහා අනතුරුව ආරක්ෂක අංශ මැදිහත්වීමක් දක්වා වර්ධනය වී තිබේ.
පසුව බලධාරීහු දිස්ත්‍රික්කයට එක ඇඳිරි නීතිය පැනවූහ.
ශිෂ්‍ය ජාතික පුරවැසි පක්ෂයේ නායකයින් රැගත් වාහන 20ක පමණ රථ පෙළක් කැරැල්ලේ අනුස්මරණයේ කොටසක් ලෙස පැමිණෙන විට හසීනා හිතවාදී ක්‍රියාකාරීන් සන්නද්ධව පොලිසියට පොලුවලින් පහර දෙන අයුරු සහ වාහනවලට ගිනි තබන අයුරු රූපවාහිනී දර්ශනවලින් දැක් විය.
පක්ෂ නායකයෝ ප්‍රාදේශීය පොලිස් ප්‍රධානියාගේ කාර්යාලයේ ආරක්ෂාව වෙනුවෙන් රැඳී සිට තිබේ.
ඉහළ නායකයන් ආරක්ෂාව සඳහා සොල්දාදුවන් විසින් සන්නද්ධ වාහනයක් වෙත රැගෙන යන අයුරු දර්ශනවල දැක්වේ.
පසුව ඔවුන් ආරක්ෂක භටයන් සමඟ අසල්වැසි දිස්ත්‍රික්කයකට පිටත් කර ඇත.
