තෙදින සංචාරයක් සඳහා ඉන්දියාවට පැමිණි ලියොනාල් මෙසී අද (13) පෙරවරුවේ කොල්කටාහි සෝල්ට් ලේක් ක්‍රීඩාංගණයට පැමිණ තිබෙනවා.

ඔහු එහි ප්‍රදර්ශන පාපන්දු ඉසව්වකට පැමිණෙන බව සංවිධායකයන් දැනුම් දී තිබෙනවා.

ක්‍රීඩාලෝලීන් චෝදනා කරන්නේ මෙසීව දැකගැනීමට හැකිවූයේ විනාඩි 10ක් පමණක් බවත් සංවිධායකයින් තමන්ව රවටා ඇති බවත්ය.

කෙසේ නමුත් ඔහු ක්‍රීඩාංගණයට පැමිණ කෙටි වේලාවකින් ඉන් පිටව යෑම හේතුවෙන් එහි ක්‍රීඩාලෝලීන් කෝපයට පත්ව ක්‍රීඩාංගණයට බෝතල් සහ පුටු විසිකර යම් කලබලයක් ඇතිකර තිබෙන බවයි වාර්තා වන්නේ.

මෙම අවස්ථාව වෙනුවෙන් අදාළ සංවිධායකයන් ඉන්දීය රුපියල් 18,000ක (ශ්‍රී.ල.රු. 61,000) මුදලකට ප්‍රවේශපත්‍රයක් අලෙවිකර ඇති බවත් සඳහන් වනවා.

කෙසේ නමුත් මේ වනවිට අදාළ ඉසව්වේ ප්‍රධාන සංවිධායකවරයා ඉන්දීය පොලීසිය විසින් අත්අඩංගුවට ගෙන ඇති බව ඉන්දීය මාධ්‍ය පවසනවා.