යුද හමුදාපති ලුතිනන් ජෙනරාල් ලසන්ත රුද්‍රිගෝ මහතා සහ ගුවන් හමුදාපති එයාර් මාර්ෂල් බන්දු එදිරිසිංහ මහතා අතර හමුවක් අද පවත්වා තිබෙනවා. ඒ, ගුවන් හමුදා මූලස්ථානයේදීයි. එහිදී ගුවන් හමුදා කොළඹ කඳවුරු අණදෙන නිලධාරි එයාර් කොමොඩෝර් බුද්ධික පියසිරි මහතා විසින් යුද හමුදාපතිවරයා පිළිගනු ලැබූ අතර, ගුවන් හමුදා වර්ණ පක්ෂාංගය විසින් ගෞරව සම්මාන මුරයක්ද පිරිනමනු ලබා තිබෙනවා. මෙම හමුවේදී ගුවන් හමුදාපති එයාර් මාර්ෂල් බන්දු එදිරිසිංහ මහතා සහ යුද හමුදාපතිවරයා සුහද කතා බහකද නිරත වුණා. මෙම අවස්ථාව සඳහා ගුවන් හමුදා මාණ්ඩලික ප්‍රධානී ඇතුළු අධ්‍යක්ෂක මණ්ඩලයේ ජ්‍යේෂ්ඨ නිලධාරින් පිරිසක්ද සහභාගී වූ බවයි ගුවන් හමුදාව පැවසුවේ.