Published
යෝජිත විදුලි බල පනත පාර්ලිමේන්තුවට ඉදිරිපත් කිරීමට පෙර සේවකයන්ගේ අයිතිවාසිකම් සුරකින බවට ලිඛිත ප්‍රකාශයක් ලබාදීම සඳහා රජයට ලබා දී තිබූ දින 05ක කාලය අවසන් වන බව ලංකා විදුලි බල මණ්ඩලයේ කාර්මික ශිල්පීන්ගේ සංගමය පවසනවා. ඒ සම්බන්ධයෙන් ගන්නා වූ ඉදිරි ක්‍රියාමාර්ග පිළිබඳ සාකච්ඡා කිරීම සඳහා සිය වෘත්තීය සමිති 28ක් අද රැස්වී තීරණයක් ගන්නා බවයි එම සංගමයේ සභාපති කෝසල අබේසිංහ මහතා පැවසුවේ.
විදුලිබල මණ්ඩලය නියෝජනය කරන සියලු වෘත්තීය සමිතිවලට විදුලිබල මණ්ඩලය ප්‍රතිව්‍යුහගත කිරීම සම්බන්ධයෙන් කිසිදු ගැටලුවක් නොමැති වුවත් ඒ හරහා සේවකයන්ට සිදු වන අගතීන් සම්බන්ධයෙන් රජය මැදිහත් වී විසඳුම් ලබා දිය යුතු බවයි ඔහු වැඩිදුරටත් සඳහන් කළේ.
