Published
ශ්රී ලංකාවේ ආපදා තත්වයට ආධාර වශයෙන් රුසියානු සමූහාණ්ඩුව මෙට්රික් ටොන් 35 ක් බරැති ආධාර තොගයක් පස්වරුවේ කටුනායක ගුවන් තොටුපොළ වෙත එවා තිබුනා.
ඒ එරට විශේෂ විශාලතම භාණ්ඩ ප්රවාහන ගුවන් යානයක් වන ඉලුෂියන් අයි.එල්.- 76 මගින්.
එම ගුවන් යානය තුළ ජංගම විදුලි බලාගාරයක් එළවළු තෙල් , සීනි , සහල් සහ කූඩාරම් තොගයක් ඒවා තිබුනා.
මෙම අවස්ථාවට ශ්රී ලංකාවේ රුසියානු සමූහාණ්ඩුවේ තානාපති ලෙවාන් ජගාරෙයාන් ( Levan Dzhagaryan ) , වරාය සහ සිවිල් ගුවන් සේවා අමාත්ය අනුර කරුණාතිලක , ආරක්ෂක නියෝජ්ය අමාත්ය විශ්රාමික මේජර් ජනරාල් අරුණ ජයසේකර , සීමසහිත ගුවන් තොටුපොළ සහ ගුවන් සේවා සමාගමේ සභාපති එයාර් වයිස් මාර්ෂල් හර්ෂ අබේවික්රම මහතා ඇතුළු විශාල පිරිසක් කටුනායක ගුවන් තොටුපොළ වෙත පැමිණ තිබුනා.
