Published
රුසියාව විසින් යුක්‍රේනයේ කියෙව් අගනුවර වෙත දැවැන්ත ප්‍රහාරයක් එල්ල කර තිබෙනවා. යුක්‍රේන බලධාරින් උපුටා දක්වන විදෙස් මාධ්‍ය වාර්තා කළේ මෙම ප්‍රහාරයෙන් ළමුන් හතර දෙනෙකු ඇතුළුව පුද්ගලයින් 23 දෙනෙකු මිය ගිය බවයි. තවත් විශාල පිරිසක් තුවාල ලබා ඇති බව එහි සඳහන්. රුසියාව ඩ්‍රෝන යානා 600කට ආසන්න ප්‍රමාණයක් සහ බැලස්ටික් සහ කෲස් මිසයිල 30කට වැඩි ප්‍රමාණයක් යොදා ගෙන මෙම ප්‍රහාර එල්ල කළ බව යුක්‍රේන හමුදාව පවසනවා. ප්‍රහාරයෙන් පස් මහල් නේවාසික ගොඩනැගිල්ලක් විනාශ වූ අතර, යුරෝපා සංගම් නියෝජිත කාර්යාලයට සහ ඒ අසල පිහිටි බි්‍රතාන්‍ය කවුන්සිලයට ද ප්‍රහාරයෙන් හානි සිදුව ඇති බව විදෙස් මාධ්‍ය වාර්තා කරනවා. ඉකුත් ජූලි මාසයේ සිට කියෙව් අගනුවර වෙත රුසියාව එල්ල කළ දරුණුතම ප්‍රහාරය මෙය බවටයි සැලකෙන්නේ. ඒ සම්බන්ධයෙන් යුරෝපා සංගමය දැඩි විරෝධය පළ කර තිබෙනවා.
