ඓතිහාසික සෝමවතී පුදබිම වෙත ගිය ජනාධිපතිවරයා චෛත්යරාජයාණන් වහන්සේ අභියස ආගමික වතාවත්වල නිරතව ආශිර්වාද ලබා ගත්තා.
අනතුරුව සමරු ඵලකය නිරාවරණය කර පුරාවිද්යා කෞතුකාගාරය සහ ජාත්යන්තර පුරාවිද්යා පර්යේෂණ ආයතනය සමන්විත නව දෙමහල් මන්දිරය විවෘත කළ ජනාධිපතිවරයා, එහි තැන්පත් කර ඇති බුද්ධ ප්රතිමා වහන්සේ සහ සධාතුක කරඬුව වෙත ප්රථම පුෂ්පෝපහාරයද සිදු කළා.
රත්න සමූහ ව්යාපාරයේ සභාපති දේශමාන්ය මිත්රපාල ලංකේෂ්වර මහතා විසින් මෙහිදී ජනාධිපතිවරයා වෙත සිහිවටන තිළිණයක්ද පිළිගන්වනු ලැබුවා.
මෙම උත්සව සභාව ඇමතූ බුද්ධශාසන, ආගමික හා සංස්කෘතික කටයුතු අමාත්ය ආචාර්ය හිනිදුම සුනිල් සෙනෙවි මහතා පැවසුවේ මහඟු පුරාවිද්යාත්මක වටිනාකමකින් යුත් සෝමවති චෛත්යරාජයාණන් වහන්සේ පිළිබඳ ඉතිහාසයට පිවිසීමේ කවුළුවක් බවට මෙම නව පුරාවිද්යා කෞතුකාගාරය සහ ජාත්යන්තර පුරාවිද්යා පර්යේෂණ ආයතනය පත්වනු ඇති බවයි.
විකල්ප සංචාරක ගමනාන්ත හඳුන්වා දීමේ රජයේ නව වැඩපිළිවෙළ යටතේ පොළොන්නරුව ප්රදේශයද ඒ සඳහා සුවිශේෂි ස්ථානයක් ලෙස හඳුන්වා දිය හැකි බවයි බුද්ධශාසන, ආගමික හා සංස්කෘතික කටයුතු අමාත්ය ආචාර්ය හිනිදුම සුනිල් සෙනෙවි මහතා එහිදී වැඩිදුරටත් සඳහන් කළේ.
