Published
ශ්‍රී ලංකා කණ්ඩායම සහ බංග්ලාදේශ කණ්ඩායම අතර පැවති දෙවනි එක්දින තරඟයෙන් ලද පරාජය ගැන තරඟයෙන් අනතුරුව ශ්‍රී ලංකා කණ්ඩායමේ තුන් ඉරියව් ක්‍රීඩක ජනිත් ලියනගේ මාධ්‍යයට අදහස් පළ කළා. එහිදී ඔහු සඳහන් කළේ පිතිකරුවන්ගෙන් සිදුවූ අතපසුවීම් හේතුවෙන් ශ්‍රී ලංකාවට දෙවන එක්දින තරඟය පරාජයට පත්වීමට සිදුවූ බවයි.
පළමු පන්දු වාර 10 තුළදී ශ්‍රී ලංකා කණ්ඩායම සාර්ථක ආරම්භයක් ලබා ගත්තද පසුව බංග්ලාදේශ දඟ පන්දු යවන්නන් එල්ල කළ දැඩි පීඩනය හමුවේ ශ්‍රී ලංකා කණ්ඩායමේ මැද පෙළ පිතිකරුවන්ට ලකුණු අතරට පිවිසීමට නොහැකි වූ බවයි ජනිත් ලියනගේ සඳහන් කළේ. එක්දින ශ්‍රේණිගත කිරීමවලට අනුව ශ්‍රී ලංකා කණ්ඩායම ඉදිරියෙන් පසු වුවද තවදුරටත් වැරදි අඩුපාඩු මඟහරවා ගනිමින් බංග්ලාදේශ කණ්ඩායම සමග ඉදිරි තරඟ ජයග්‍රහණය කිරීම ශ්‍රී ලංකා කණ්ඩායමේ අරමුණ බවයි ජනිත් ලියනගේ මාධ්‍යවේදීන් කළ ප්‍රශ්නවලදී පිළිතුරු ලබා දුන්නේ.
