විදෙස්ගත ශ්රී ලාංකිකයින්ට ඡන්දය ප්රකාශ කළ හැකි අයුරින් නීති සකස් කිරීමට අදාළව නීති සංශෝධනයට අමාත්යාංශ කිහිපයක නිලධාරීන්ගෙන් සමන්විත කමිටුවක් පත්කිරීමට අමාත්ය මණ්ඩල අනුමැතිය හිමිව තිබෙනවා.
වත්මන් මැතිවරණ පහක් යටතේ විදෙස්ගත පුරවැසියන්ට ඡන්දය ප්රකාශ කිරීම සඳහා ක්රමවේදයක් හෝ ඒ සඳහා නීති සකස් වී නොමැති වීම ඊට හේතුවයි.
කෙසේවෙතත් ඉන්දියාව, බංග්ලාදේශය, පිලිපීනය වැනි බොහෝ ආසියාතික රටවල් සිය විදේශගත පුරවැසියන්ට ඡන්දය ප්රකාශ කිරීමට හැකි අයුරින් නීතිමය ක්රමෝපායන් සකස් වී තිබීම පිළිබඳව ද රජයේ අවධානය යොමුව තිබෙනවා.
ඒ අනුව, විදෙස්ගත පුරවැසියන්ගේ ඡන්ද අයිතිය ආරක්ෂා කරදීම සඳහා පවත්නා නීති සංශෝධනය කිරීමට හෝ නව නීති සකස් කිරීමට අදාළ කරුණු අධ්යයනය කිරීම පිණිස කමිටුවක් පත් කිරීමට නියමිතයි.
ඒ, මැතිවරණ කොමිෂන් සභාව, විදේශ කටයුතු, විදේශ රැකියා සහ සංචාරක අමාත්යාංශය, රාජ්ය පරිපාලන, පළාත් සභා සහ පළාත් පාලන අමාත්යාංශය සහ අනෙකුත් අදාළ අමාත්යාංඩල සහ ආයතනවල නිලධාරින්ගෙන් සමන්විතවයි.
