ඉන්දීය නිල සංචාරය අතරතුර ඉන්දීය පාර්ලිමේන්තු ලෝක් සභා කථානායක ඕම් බිර්ලා මහතා හමුවි තිබෙනවා.
ඒ පාර්ලිමේන්තු සහයෝගීතාව ශක්තිමත් කිරීම සහ පාර්ලිමේන්තු ක්රියා පටිපාටියට අදාළ හොඳම භාවිතයන් බෙදා ගැනීම කෙරෙහි අවධානය යොමු කරමින් සුවිශේෂ වටිනා සාකච්ඡාවක් සඳහායි.
ආයතනික වෘත්තීයභාවය වැඩි දියුණු කිරීම, ව්යවස්ථාදායකයට අදාළ පර්යේෂණ ශක්තිමත් කිරීම සහ පාර්ලිමේන්තු තුළ තරුණ සහභාගීත්වය ප්රවර්ධනය කිරීම පිළිබඳව නායකයින් දෙපළ අතර අදහස් රැසක් මෙහි දී හුවමාරු කරගෙන තිබෙනවා.
තවද ව්යුහගත හුවමාරු, අධ්යයන චාරිකා සහ ධාරිතා ගොඩනැගීම වැනි මුලපිරීම් හරහා ශ්රී ලංකා පාර්ලිමේන්තුව සහ ලෝක් සභාව අතර සහයෝගීතාව ඉදිරියට ගෙන යාමට එහි දී එකඟ වී තිබෙනවා.
ප්රජාතන්ත්රවාදය, විනිවිදභාවය සහ පාර්ලිමේන්තු අඛණ්ඩතාවයේ වටිනාකම් සඳහා දෙරටේම බෙදාගත් කැපවීම මෙම රැස්වීමේදී අවධාරණය විය.
මෙම සාකච්ඡාවලින් පසුව ලෝක් සභා සංකීර්ණයේ නව කථානායක කාර්යාලයේ සංචාරයක් සඳහා විපක්ෂ නායක සජිත් ප්රේමදාස මහතා වෙත ආරාධනා ලැබුණි. එහි දී අති නවීන පහසුකම් සහ සම්පූර්ණයෙන්ම ඩිජිටල්කරණයට ලක් වූ කඩදාසි රහිත පාර්ලිමේන්තු මෙහෙයුම් පද්ධතිය, නවීකරණය වූ ව්යවස්ථාදායක පාලනය සහ කාර්යක්ෂමතාව පිළිබඳ ආකෘතියක් ද දැකගත හැකි විය.
