හානිපූර්ණ කාර්යාලයේ හිටපු අධ්යක්ෂ ජනරාල්වරියක - වැ.බ (ර්වතමානයේ අධිකරණ හා ජාතික ඒකබද්ධතා අමාත්යංශයේ අතිරේක ලේකම්) දූෂණය හා පොදු දේපල පනත යටතේ සාපරාධී සාවද්ය පරිහරණය කිරීමට ආධාර අනුබල දීම යන චෝදනා මත අල්ලස් හෝ දුෂණ චෝදනා විමර්ශන කොමිෂන් සභාවේ විමර්ශන නිලධාරීන් විසින් අත්අඩංගුවට ගෙන තිබෙනවා.
ඒ මොනරාගල දිස්ත්රික් පාර්ලිමේන්තු මන්ත්රී ශෂේන්ද්ර රාජපක්ෂ යන අයට විෂයගත දේපල රජයේ දේපලක් ( ශ්රී ලංකා මහවැලි අධිකාරිය සතු දේපලක්) බැවින් එම දේපලට වන්දි ගෙවීම 2022.05.22 දින අමාත්ය මණ්ඩලය විසින් පත් කර ඇති විශේෂ නිලධාරි කමිටුව මඟින් සහ 2023.11.01 දින හානි පූර්ණය පිළිබඳ කාර්යාලයේ අධ්යක්ෂ මණ්ඩලය විසින් ලිඛිතව ප්රතික්ෂේප කිරීමෙන් පසු, සැකකාරිය හානි පූර්ණය පිළිබඳ කාර්යාලයේ වැඩබලන අධ්යක්ෂ ජනරාල් ලෙස ඒ පිළිබඳව ලිඛිතව උක්ත අමාත්යවරයා වෙත 2023.11.27 දැනුම්දීමෙන් අනතුරුව ඔහු විසින් 2023.12.26 දිනැතිව සැකකාරිය වෙත යොමු කර ඇති ලිපිය අනුව, ඇය විසින් අධ්යක්ෂ මණ්ඩලයේ නිසි අනුමැතියකින් තොරව 2024.01.22 දින ශ්රී ලංකා මහවැලි අධිකාරියේ අධ්යක්ෂ ජනරාල් වෙත ලිපියක් යොමු කර මනෝජි හේමලාල් ඒකනායක යන අයට මූල්ය සහන ලබාදීම සඳහා එකඟතාවය ඉල්ලා ලබාගෙන අදාල වන්දි මුදල වන රු.8,850,000/- (රුපියල් අසූ අටලක්ෂ පනස් දහසක) මුදලක් ගෙවීම සඳහා 2024.01.26 දින අනුමත කිරීම තුළින් එම මුදල් ගෙවීම් කිරීම සඳහා හානිපූර්ණය පිළිබඳ කාර්යාලයේ නිලධාරීන් පෙළඹ වීමෙන් දුෂණය නැමැති වරද හා පොදු දේපල පනතේ සාපරාධි සාවද්ය පරිහරණය යන වරද සිදු කිරීමට ආධාර අනුබල දීම යන චෝදනා මත යි
එම චෝදනා මත අධිකරණ හා ජාතික ඒකබද්ධතා අමාත්යංශයේ වර්තමාන අතිරේක ලේකම් ලෙස කටයුතු කරන එවකට හානි පූර්ණ කාර්යාලයේ වැඩ බලන අධ්යක්ෂ ජනරාල්) රාජපක්ෂ පතිරගේ සේපාලිකා සමන් කුමාරි යන අය 2025.10.08 වන දින පෙ.ව.09.20ට පමණ අල්ලස් හෝ දුෂණ චෝදනා විමර්ශන කොමිෂන් සභාවේ විමර්ශන නිලධාරීන් විසින් අත්අඩංගුවට ගන්නා ලදි.
අත්අඩංගුවට ගන්නා ලද සැකකාරිය කොළඹ ප්රධාන මහේස්ත්රාත් අධිකරණයට ඉදිරිපත් කිරීමට නියමිතව ඇත.
