වැඩතහනමට ලක්ව සිටි හිටපු තායිලන්ත අගමැතිනී පේටොන්ග්ටාන් ෂිනවත්‍රා ධුරයෙන් පහකර තිබෙනවා. ඒ, එරට ව්‍යවස්ථාදායක අධිකරණය ලබා දුන් තීන්දුවකට අනුවයි. කාම්බෝජයේ හිටපු නායක හුන් සෙන් සමඟ පැවති දුරකථන සංවාදයකදී ඔහු සමග සුහදව කතා කරමින් රටට අපහාස කළ බවට තායිලන්ත අගමැතිනියට චෝදනා එල්ල වී තිබුණා. මෙම ආන්දෝලනාත්මක දුරකථන සංවාදය සම්බන්ධයෙන් රට තුළින්ම දැඩි විරෝධයක් එල්ල වූ අතර ඇයගේ ධුරයේ වැඩතහනම් කෙරුණේ එහි ප්‍රතිඵලයක් ලෙසයි. එරට ව්‍යවස්ථා අධිකරණය අද පෙන්වා දුන්නේ මෙවන් සංවාදයක් පැවැත්වීම මඟින් ඇය තායිලන්ත ජාතියේ අභිමානය පවා දී ඇති බවයි. 2008 වසරේ සිට අධිකරණයක් මඟින් ධුරයෙන් පහ කෙරුණු පස්වැනි තායිලන්ත රාජ්‍ය නායකයා වන්නේ පේටොන්ග්ටාන් ෂිනවත්‍රා යි.