හෙට පැවැත්වෙන ශිෂ්‍යත්ව විභාගය සඳහා මේ වන විටත් සියලු කටයුතු සූදානම් බව විභාග දෙපාර්තමේන්තුව පවසනවා. විභාග කොමසාරිස් ජනරාල් ඒ කේ එම් ඉන්දිකා කුමාරි මහත්මිය පැවසුවේ විභාගය සඳහා මෙවර සිසුන් තුන් ලක්ෂ 7,959 දෙනෙකු පෙනී සිටීමට නියමිත බවයි. විභාග මධ්‍යස්ථාන 2,767කදී විභාගය පැවැත්වෙනවා. විභාගයට පෙනී සිටින සියලු සිසුන් පෙරවරු 08යි 30 වන විට සිය විභාග මධ්‍යස්ථානයට යායුතු බවයි විභාග කොමසාරිස් ජනරාල්වරිය අද පැවති මාධ්‍ය හමුවකට එක්වෙමින් පැවසුවේ.