ලබන 22 වනදා පමණ වන විට ගිනිකොණදිග බෙංගාල බොක්ක මුහුද ආශ්රිතව නව අඩු පීඩන කලාපයක් නිර්මාණය වීමේ හැකියාව පවතින බව කාලගුණ විද්යා දෙපාර්තමේන්තුව පවසනවා.
අනතුරුව එම පද්ධතිය තවදුරටත් වර්ධනය වෙමින් ශ්රී ලංකාවේ උතුරු වෙරළට ආසන්නව ගමන් කරනු ඇති බවයි කාලගුණ විද්යා දෙපාර්තමේන්තුව පැවසුවේ.
ඒ සම්බන්ධයෙන් කාලගුණ විද්යා දෙපාර්තමේන්තුව විසින් නිකුත් කරනු ලබන ඉදිරි අනාවැකි සහ නිවේදන පිළිබඳව අවධානයෙන් පසුවන ලෙස ද එම දෙපාර්තමේන්තුව ජනතාවගෙන් ඉල්ලා සිටිනවා.
මේ අතර උතුරු, උතුරුමැද පළාත්වල සහ ත්රිකුණාමලය දිස්ත්රික්කයේ අද දිනයේ වැසි වාර කිහිපයක් ඇති විය හැකි බව අද උදෑසන නිකුත් කෙරුණු කාලගුණ අනාවැකියේ දැක්වෙනවා.
දිවයිනේ සෙසු ප්රදේශවල පස්වරු 01.00න් පමණ පසුව තැනින් තැන වැසි හෝ ගිගුරුම් සහිත වැසි ඇති විය හැකි බවයි කාලගුණ විද්යා දෙපාර්තමේන්තුව වැඩිදුරටත් සඳහන් කළේ.
