තම රටේ ඩිජිටල් ගෙවීම් පද්ධතිය ජාත්යන්තර තලයට ව්යාප්ත කිරීමේ නවතම පියවරක් ලෙස, ඉන්දියාවේ 'එක්සත් ගෙවීම් අතුරුමුහුණත' (UPI) ස්පාඤ්ඤයේ 'බිසුම්' (Bizum) ඩිජිටල් ගෙවීම් වේදිකාව සමඟ සම්බන්ධ කිරීම සඳහා වන තාක්ෂණික සාකච්ඡා වේගවත් කිරීමට ඉන්දියාව සහ ස්පාඤ්ඤය එකඟතාවයකට පැමිණ තිබේ.
මෙම එකඟතාවයට පැමිණ ඇත්තේ ඉන්දියානු වාණිජ හා කර්මාන්ත අමාත්ය පියුෂ් ගෝයාල්ගේ මෑතකාලීන ස්පාඤ්ඤ සංචාරය අතරතුරදීය.
එහිදී දෙරට අතර ආර්ථික සහයෝගීතාව දැඩි කිරීම, ආයෝජන ප්රවාහයන් ඉහළ නැංවීම සහ පුහුණු වෘත්තිකයන්ගේ හුවමාරුව වැඩිදියුණු කිරීමේ මාර්ග පිළිබඳවද දෙපාර්ශවයේම අවධානය යොමු විය.
වාණිජ අමාත්යාංශයට අනුව, ගෙවීම් පද්ධති දෙක අතර අන්යෝන්ය ක්රියාකාරීත්වය සක්රීය කිරීම අරමුණු කරගත් තාක්ෂණික සාකච්ඡා ඉක්මන් කිරීමට නිලධාරීන් එකඟ වී ඇති අතර, මෙම පියවර හරහා ව්යාපාරිකයන්ට සහ පාරිභෝගිකයන්ට දේශසීමා අතර ඩිජිටල් ගනුදෙනු වඩාත් සුමටව සිදු කිරීමට ඉඩ සැලසේ.
මීට අමතරව, මෝටර් රථ, ඖෂධ, රසායනික ද්රව්ය, රෙදිපිළි, පුනර්ජනනීය බලශක්තිය, සංචාරක සහ යටිතල පහසුකම් යන ක්ෂේත්රයන්හිද සැලකිය යුතු අවස්ථාවන් දෙපාර්ශවය විසින් හඳුනාගෙන ඇත.
අමාත්යවරයාගේ බ්රසල්ස් සංචාරයේදී, ඉන්දියානු නැව් ප්රතිචක්රීකරණ අංගන ලැයිස්තුගත කිරීමේ ගැටලුවද ඔහු විසින් මතු කරන ලදී.
එමෙන්ම කුසලතා, අධ්යාපනය සහ දක්ෂතාවයන් සංචලනය කිරීම සම්බන්ධයෙන් ඉන්දියාව සහ යුරෝපීය සංගමය අතර සංවාදයක් ආරම්භ කිරීමටද ඔහු යෝජනා කළේය.
"ආයෝජන ආරක්ෂණ ගිවිසුම සහ භූගෝලීය දර්ශක ගිවිසුම පිළිබඳ සාකච්ඡා, කාබන් දේශසීමා ගැලපුම් යාන්ත්රණය (CBAM) පිළිබඳ සහයෝගීතාව, නියාමන සරල කිරීම, කෘෂිකාර්මික නිෂ්පාදන සඳහා වෙළඳපල ප්රවේශය, බාස්මතී සහල් සඳහා වන තීරුබදු ලිහිල් කිරීම් සහ යකඩ ඇටවුම් පිළිබඳවද මෙහිදී සාකච්ඡා පැවැත්විණි," යනුවෙන් අමාත්යාංශය වැඩිදුරටත් සඳහන් කළේය.
