ඇමරිකාව පදනම් කරගත් Morning Consult දත්ත විශ්ලේෂණ ආයතනය විසින් මෑතකදී පවත්වන ලද ගෝලීය සමීක්ෂණයකට අනුව, අග්රාමාත්ය නරේන්ද්ර මෝදි 68% ක අනුමැතියක් ලබා ගනිමින් ලොව ජනප්රියම ප්රජාතන්ත්රවාදී නායකයා ලෙස නැවතත් පෙරමුණට පැමිණ ඇත.
"Global Leader Approval Rating Tracker" හි කොටසක් වන මෙම දත්ත මගින් අග්රාමාත්ය මෝදිගේ ස්ථාවර දේශීය ජනප්රියත්වය සහ වර්ධනය වන ජාත්යන්තර පිළිගැනීම අවධාරණය කරන අතර, අනෙකුත් ප්රධාන ලෝක ආර්ථිකයන්හි නායකයින්ට වඩා ඔහු සැලකිය යුතු ලෙස ඉදිරියෙන් සිටින බව පෙන්වා දෙයි.
මෙම සමීක්ෂණයට අනුව, ස්විට්සර්ලන්ත ජනාධිපති Guy Parmelin සහ දකුණු කොරියානු ජනාධිපති Lee Jae-myung පිළිවෙලින් 62% බැගින් අනුමැතිය ලබා ගනිමින් දෙවන ස්ථානයට පත්ව ඇත.
මෙම නවතම ශ්රේණිගත කිරීම් 2026 මාර්තු 2 සිට 8 දක්වා කාලය තුළ එක් එක් රටවල වැඩිහිටියන් අතර පවත්වන ලද සමීක්ෂණ දත්ත මත පදනම් වී ඇත.
මෝදි අග්රාමාත්යවරයාගේ තත්ත්වය සහ අනෙකුත් ප්රමුඛ පෙළේ බටහිර නායකයින්ගේ තත්ත්වය අතර පැහැදිලි වෙනසක් මෙම දත්ත මගින් අනාවරණය විය.
Morning Consult ආයතනයේ 2026 මාර්තු මස වාර්තාවට අනුව, ඇමරිකානු ජනාධිපති ඩොනල්ඩ් ට්රම්ප් 39% ක අනුමැතියක් ලබාගෙන ඇති අතර, බ්රිතාන්ය අග්රාමාත්ය කියර් ස්ටාර්මර් ලබාගෙන ඇත්තේ 24% ක අනුමැතියකි.
ලැයිස්තුවේ තවත් පහළින් සිටින ප්රංශ ජනාධිපති එමානුවෙල් මැක්රොන්, මෙම සමීක්ෂණයේ අඩුම ශ්රේණිගත කිරීම් සහිත නායකයෙකු ලෙස පසුවන අතර, ඔහුට හිමිව ඇත්තේ 17% ක අනුමැතියක් සහ 75% ක ඉහළ අප්රසාදිත මට්ටමකි.
Morning Consult ආයතනය සඳහන් කළේ මෙම නවතම ශ්රේණිගත කිරීම් මගින් එක් එක් රටවල වැඩිහිටියන්ගේ අදහස්වල "දින හතක සරල චලිත සාමාන්යයක්" (trailing seven-day simple moving average) පිළිබිඹු වන බවයි.
අග්රාමාත්ය මෝදි කෙරෙහි පවතින ශුද්ධ අනුමැතිය (net approval) ඉතා ඉහළ මට්ටමක පවතින අතර, ඔහුට අප්රසාදය පළ කර ඇත්තේ ප්රතිචාර දැක්වූවන්ගෙන් 26% ක් පමණි.
මෙය මෙම දර්ශකයේ සඳහන් අනෙකුත් බොහෝ නායකයින්ට සාපේක්ෂව සැලකිය යුතු ලෙස අඩු අගයකි.
