ඇල්ල - වැල්ලවාය ප්‍රධාන මාර්ගයේ වැල්ලවාය, දෙකේ කණුව ප්‍රදේශයේ දී වෑන් රථයක් මාර්ගය හරහා පෙරළී ගොස් අනතුරක් සිදුව තිබෙනවා. එම මාර්ගයේ ධාවනය වූ ත්‍රිරෝද රථයක් මාර්ගය හරහා හැරවීමට උත්සාහ දැරීමත් සමග අදාළ වෑන් රථයේ රියදුරු එක්වරම තිරිංග ක්‍රියාත්මක කිරීමත් සමග එම වෑන් රථය පෙරලී ගොස් ඇති බවයි පොලීසිය පැවසුවේ. අනතුර සිදුවන අවස්ථාවේ වෑන් රථය තුළ තරුණයන් තිදෙනකු ගමන් කරමින් සිට තිබෙනවා. අනතුරින් කිසිවෙකුටත් බරපතල හානියක් සිදුව නොමැති අතර වෑන් රථයට දැඩි අලාභ හානි සිදුව ඇති බවයි නෙත් නිවුස් වාර්තාකරු පැවසුවේ. සිද්ධිය සම්බන්ධයෙන් වැල්ලවාය පොලිස් ස්ථානයේ නිලධාරීන් විසින් විමර්ශන සිදු කරනු ලබනවා.