අවසර පත්ර හා දීමනා පත්ර මත ප්රදානය කර ඇති ඉඩම් සංවර්ධනය කරමින් භුක්ති විඳින ගොවි ජනතාව ප්රමුඛ මහජනතාවට එම ඉඩම්වල පරම අයිතිය ප්රදානය කෙරෙන හිමිකම් නිදහස් ප්රදානපත්ර පිළිගැන්වීමේ ජාතික වැඩසටහනේ සමාරම්භක අවස්ථාව අද පැවැත්වෙනවා.
ඒ, ජනාධිපති අනුර කුමාර දිසානායක මහතාගේ ප්රධානත්වයෙන් අනුරාධපුර කොරකහවැව උතුරු මැද පළාත් සභා ශ්රවණාගාරයේදීයි.
1935 අංක 19 දරණ ඉඩම් සංවර්ධන ආඥා පනත යටතේ අවසර පත්ර හා දීමනාපත්ර මත ප්රදානය කර ඇති ඉඩම් සංවර්ධනය කරමින් භුක්ති විඳින ගොවි ජනතාව ප්රමුඛ මහජනතාවට තම ඉඩමෙහි පරම අයිතිය නොමැති වීමෙන් අදාළ භූමිය මානව අවශ්යතා හා සංවර්ධන අවශ්යතාවන්ට යොදවා ගැනීමේදීත්, එම භූමිය ආර්ථික ඒකකයක් ලෙස සංවර්ධනය කිරීමේදීත් විවිධ ගැටලුවලට මුහුණ දීමට සිදුව තිබෙනවා.
ඒ අනුව, මේ වන විටිත් ඉඩම් සංවර්ධන ආඥා පනත යටතේ නිකුත් කර ඇති අවසර පත්ර හා දීමනාපත්ර වල කොන්දේසි ඉවත් කර එම දීමනාපත්ර සඳහා 1947 අංක 8 දරන රජයේ ඉඩම් ආඥා පනතේ 2 වගන්තියට අනුකූලව නිදහස් ප්රදාන පත්රයක් ලබා දීම මේ යටතේ සිදු කෙරෙනවා.
මෙම වැඩසටහන යටතේ ස්වකීය කැමැත්තෙන් රජයට භාරදෙන අවසර පත්ර හා දීමනාපත්ර සඳහා හිමිකම් නිදහස් ප්රදානපත්රය ලබා දීම සිදු කෙරෙන බවයි ජනාධිපති මාධ්ය අංශය පැවසුවේ.
ඒ අනුව හිමිකම් නිදහස් ප්රදානපත්ර 500ක් අද දිනයේ ප්රතිලාභීන් වෙත බෙදා දීමට නියමිත අතර ඉදිරියේදී මෙම වැඩසටහන දිවයින පුරා සියලු දිස්ත්රික්ක ආවරණය වන පරිදි ක්රියාත්මක කිරීමට නියමිතයි.
කෘෂිකර්ම, පශු සම්පත් ඉඩම් හා වාරිමාර්ග අමාත්යාංශය සහ ඉඩම් කොමසාරිස් ජනරාල් දෙපාර්තමේන්තුවේ මෙහෙයවීමෙන් මෙම වැඩසටහන ක්රියාත්මක වනවා.
ඒ සම්බන්ධයෙන් කරුණු දැක්වූ කෘෂිකර්ම නියෝජ්ය අමාත්ය නාමල් කරුණාරත්න මහතා.
