රුහුණු මහා කතරගම දේවාලයේ හිටපු ප්‍රධාන කපු ධුරන්දර සොමිපාල ටී රත්නායක කපු මහත්මාගේ වියෝවයෙන් පුරප්පාඩු වූ එම ධූරය සඳහා සරත් සේපාල තිඹලත් රත්නායක මහතා තෝරා පත් කර ගෙන තිබෙනවා.

ඒ, කපු මණ්ඩලය විසින් යෝජනා සහ ස්ථීර කිරීමෙන් පසු නිලමේතුමන් වෙත කල ඉල්ලීමකට අනුවයි.

සරත් සේපාල තිඹලත් රත්නායක මහතා මෙතෙක් තේවේ කපු රාළ සහ පෙරහර බලන කපු රාළ ලෙස කටයුතු කළා.

ඔහු රුහුණු මහා කතරගම දේවාලයේ, වල්ලි අම්මා දේවාලය යන උභය දේවාලයන්හි කපු ධුරන්දරව කටයුතු කළ චාල්ස් තිඹලත් රත්නායක කපු මහතාගේ සහ එම මැතිනි⁣යගේ පුත්‍රයෙකු වනවා.

එමෙන්ම මාගම වලව්වත්ත පරපුරේ තිඹලත් රත්නායක ⁣සොලමන් අප්පු කපු රාළ⁣ගේ මුණුබුරා වූ සරත් සේපාල කපු මහතා ගාල්ල මහින්ද විද්‍යාලයේ කීර්තිමත් ආදි ශිෂ්‍යයෙක්.