හෙට සිට දීප ව්යාප්ත අඛණ්ඩ වෘත්තිය සමිති ක්රියාමාර්ගයක් ආරම්භ කිරීමට රජයේ වෛද්ය නිලධාරීන්ගේ සංගමය තීරණය කර තිබෙනවා.
ඒ, නිදහස් සෞඛ්ය සේවාවේ සහ වෛද්යවරුන්ගේ ගැටලු විසඳීමට සෞඛ්ය අමාත්යවරයා ලබා දුන් එකඟතා ක්රියාත්මක කිරීමට අසමත් වීම හේතුවෙන්.
කෙසේවෙතත් වැඩවර්ජනය පැවැත්වෙන පැය 48 ක කාලය තුලදි හදිසි සහ අත්යවශ්ය ප්රතිකාර සේවාවන් අඛණ්ඩව ක්රියාත්මක කරනු ඇති.
එමෙන්ම වැඩවර්ජන ක්රියාමාර්ගය ළමා රෝහල්, මාතෘ රෝහල්, පිළිකා රෝහල්, වකුගඩු ප්රතිකාර ඒකක, ත්රිවිධ හමුදා රෝහල් තුල සහ ජාතික මානසික සෞඛ්ය විද්යායතනයේ ක්රියාත්මක නොවන බවයි රජයේ වෛද්ය නිලධාරීන්ගේ සංගමය පැවසුවේ.
මේ අතර රජයේ වෛද්ය නිලධාරින්ගේ සංගමය විසින් නැගෙනහිර පළාතේ සියලුම රෝහල්වල ආරම්භ කර තිබූ වෛද්ය වර්ජනය අද පස්වරුවේ අවසන් කළා.
අක්කරපත්තුව මූලික රෝහලේ වෛද්ය අධිකාරිවරයාට, පරිපාලන සහ මුදල් විෂාමාචාර සිදුවීම් ඇති නිසා ඔහු එම තනතුරින් ඉවත් කරන ලෙසත් එම තනතුර සඳහා වෙනත් අධ්යක්ෂකවරයෙකු පත් කරන ලෙසත් ඉල්ලා ඔවුන් මෙම වර්ජනය ආරම්භ කර තිබුණා.
