හිටපු ජනාධිපති මහින්ද රාජපක්ෂ මහතාගේ බිරිඳ වන ශිරන්ති රාජපක්ෂ මහත්මිය පොලිස් මූල්ය අපරාධ කොට්ඨාශය වෙත පැමිණ තිබෙනවා.
ඒ, ප්රකාශයක් ලබාදීම සදහා ඇයට අද දිනයේ පොලිස් මූල්ය අපරාධ කොට්ඨාශය හමුවේ පෙනී සිටින ලෙසට කළ දැනුම්දීමකට අනුවයි.
ශිරන්ති රාජපක්ෂ මහත්මියට පසුගිය 27 වන දින ප්රකාශයක් ලබාදීම සඳහා පොලිස් මූල්ය අපරාධ කොට්ඨාශය වෙත පැමිණෙන ලෙස මීට පෙර දැනුම් දී තිබුණා.
ඇය සිය නීතීඥයෙකු මාර්ගයෙන් පොලීසියට දැනුම් දී තිබුණේ එදිනට තමාට පැමිණීමට නොහැකි අතර ඒ සඳහා සති 02 ක කාලයක් ලබාදෙන ලෙසයි.
කෙසේ වෙතත් වෛද්ය වාර්තාවක් ඉදිරිපත් කර නොමැති බැවින් අද දිනයේ යළි පොලිස් මූල්ය අපරාධ කොට්ඨාශය හමුවේ පෙනී සිටින ලෙස ශිරන්ති රාජපක්ෂ මහත්මියට දැනුම් දී තිබූ බවයි වාර්තා වුණේ.
ශිරන්ති රාජපක්ෂ මහත්මිය පොලිස් මූල්ය අපරාධ කොට්ඨාසය වෙත වාහනයකින් පැමිණියේ හිටපු ජනාධිපති මහින්ද රාජපක්ෂ මහතා සමග බවයි එහි සිටින නෙත් නිවුස් වාර්තාකරු පැවසුවේ.
එම ස්ථානයට දේශපාලනඥයින් කිහිපදෙනෙකු, නීතිඥවරුන් මෙන්ම ආධාරකරුවන් පිරිසක්ද පැමිණ සිටි බව නෙත් නිවුස් වාර්තාකරු වැඩිදුරටත් පැවසුවා.
මේ අතර ශ්රී ලංකා පොදුජන පෙරමුණේ ජාතික සංවිධායක පාර්ලිමේන්තු මන්ත්රී නාමල් රාජපක්ෂ මහතාද අපරාධ පරීක්ෂණ දෙපාර්තමේන්තුව හමුවට පැමිණ තිබෙනවා.
මීට පෙර ද නාමල් රාජපක්ෂ මන්ත්රීවරයාට අපරාධ පරීක්ෂණ දෙපාර්තමේන්තුව හමුවේ පෙනී සිටින ලෙස දැනුම් දී තිබුණ ද ඔහු දිවයිනේ රැඳී නොසිටීම හේතුවෙන් ඒ සඳහා වෙනත් දිනයක් ලබාදෙන ලෙස ඉල්ලා සිටියා.
ඒ අනුව කළ දැනුම්දීමකට අනුව පාර්ලිමේන්තු මන්ත්රී නාමල් රාජපක්ෂ මහතා අද එලෙස අපරාධ පරීක්ෂණ දෙපාර්තමේන්තුවට පැමිණ තිබෙනවා.
