කේරළ ගංජා තොගයක් සමග සැකකරුවන් දෙදෙනෙකු වඩුක්කෝට්ටේ, වඩගම්බර ප්‍රදේශයේදී අත්අඩංගුවට ගෙන තිබෙනවා. ඒ, ලද තොරතුරක් මත උතුරු පළාත් අපරාධ ඒකකයේ නිලධාරීන් පිරිසක් විසින් සිදු කළ වැටලීමකදීයි. එම වැටලීමේදී කේරළ ගංජා කිලෝ 12යි ග්‍රෑම් 250ක් සහ යතුරුපැදියක් සොයා ගත් බවයි උතුරු පළාත් අපරාධ ඒකකයේ නිලධාරීන් පැවසුවේ. අත්අඩංගුවට ගත් සැකකරුවන් 30, 36 යන වයස්වල පසුවන නරෛනගර් ප්‍රදේශයේ පදිංචිකරුවන්. සිද්ධිය සම්බන්ධ වැඩිදුර විමර්ශන වඩුක්කෝට්ටේ පොලීසිය මගින් සිදු කරනු ලබනවා.