Published
ත්‍රීරෝද රථ කොල්ලකෑම් රැසකට සම්බන්ධ සැකකරුවන් දෙදෙනෙකු හා සැකකාරියක් ගල්කිස්ස කොට්ඨාස අපරාධ විමර්ශන කාර්යංශය මගින් අත්අඩංගුවට ගෙන තිබෙනවා. ඊට සම්බන්ධ සැකකරුවන් දෙදෙනෙකු හෙරොයින් සමග අත්අඩංගුවට ගෙන ඇත්තේ කහතුඩුව පොලිස් වසමේ පොල්ගස්ඕවිට ප්‍රදේශයේදීයි. සැකකරුවන්ගෙන් සිදු කළ ප්‍රශ්න කිරීම්වලදී කුලී රථ මුවාවෙන් ත්‍රිරෝද රථවල ගමන් කළ එම රියදුරන්ට මිරිස් කුඩු ගසා ත්‍රිරෝද රථ කොල්ලකෑම් සිදුකර ඇති බවට තොරතුරු අනාවරණ වී තිබෙනවා. එම එක් සැකකරුවෙකුගේ බිරිඳක් ද කොල්ලකෑම් සම්බන්ධයෙන් අත්අඩංගුවට ගෙන ඇති බවයි පොලීසිය පැවසුවේ. අත්අඩංගුවට ගත් සැකකරු කලවාන සහ කහතුටුව යන ප්‍රදේශවල පදිංචිකරුවන් බවටයි අනාවරණ වී ඇත්තේ. සැකකරුවන් විසින් කොල්ලකන ලද ත්‍රිරෝද රථ 04ක් ද සොයාගෙන ඇති බව පොලිස් මාධ්‍ය ප්‍රකාශක කාර්යාලය පැවසුවා.
