වළස්මුල්ල, උඩගහවත්ත ප්‍රදේශයේදීතියුණු ආයුධයකින් පහර දී කාන්තාවක් ඝාතනය කර තිබෙනවා. එලෙස ඝාතනයට ලක්ව ඇත්තේ 85 හැවිරිදි උඩගහවත්ත ප්‍රදේශයේ පදිංචිව සිටි කාන්තාවක්. මිය ගිය කාන්තාව සිය නිවසේ තනිවම වාසය කර ඇති අතර ඇයගේ පුතා විසින් රාත්‍රී ආහාර ලබාදී පිටව ගිය පසු නිවසට ඇතුළු වූ පුද්ගලයෙකු අදාල කාන්තාව ඝාතනය කර ඇති බවටයි දැනට සිදු කරන ලද විමර්ශනවලදී අනාවරණය වී ඇත්තේ. අපරාධයට සම්බන්ධ සැකකරු ප්‍රදේශයෙන් පලාගොස් ඇති බව පොලිස් මාධ්‍ය කොට්ඨාසය පැවසුවා. සැකකරු අත්අඩංගුවට ගැනීම සඳහා වළස්මුල්ල පොලිසිය වැඩිදුර විමර්ශන සිදු කරනු ලබනවා.