Published
දූෂණ චෝදනාවක් සම්බන්ධයෙන් අල්ලස් කොමිසම මගින් අත්අඩංගුවට ගෙන රක්ෂිත බන්ධනාගාර ගත කර සිටි හිටපු අමාත්‍ය ශෂින්ද්‍ර රාජපක්ෂ මහතා ඇප මත මුදාහරින ලෙස ඔහුගේ නීතිඥවරු විසින් කළ ඉල්ලීමක් කොළඹ ප්‍රධාන මහේස්ත්‍රාත් අධිකරණය විසින් අද ප්‍රතික්ෂේප කළා.
ඒ අනුව සැකකරු ලබන 12 වනදා දක්වා රක්ෂිත බන්ධනාගාර ගත කරන ලෙස කොළඹ ප්‍රධාන මහේස්ත්‍රාත් අසංක. එස්. බෝදරගම මහතා නියම කළා.
ඇප ඉල්ලීම පිළිබඳ නියෝගය ප්‍රකාශයට පත් කරමින් මහේස්ත්‍රාත්වරයා සඳහන් කළේ අපරාධ නඩු විධාන සංග්‍රහයේ 186 වන වගන්තිය ප්‍රකාරව මෙම සැකකරු මෙම නඩුකරයෙන් නිදහස් කරන ලෙස ඔහුගේ නීතිඥවරු විසින් කළ ඉල්ලීම ප්‍රතික්ෂේප කරන බවයි.
එමෙන්ම පොදු දේපළ පනත යටතේ 8(1) වගන්තිය යටතේ එම සැකකරු සම්බන්ධයෙන් සෑහීමකට පත් හැකි කරුණු ඉදිරිපත් වී ඇති නිසා අදාළ ඇප ඉල්ලීම ප්‍රතික්ෂේප කරමින් සැකකරු රිමාන්ඩ් භාරයට පත් කරන බවත් මහේස්ත්‍රාත්වරයා නියෝග කළා.
මෙම සැකකරු පොදු දේපළ පනත යටතේ නඩු විභාගය අවසන් වන ඇති රක්ෂිත බන්ධනාගාර ගත කරන ලෙස අල්ලස් කොමිසම මීට පෙර අධිකරණයට ඉදිරිපත් කළ වාර්තාවෙන් ඉල්ලීමක් කර තිබුණා.
එහෙත් මෙම සැකකරු නඩු විභාගය අවසන් වන තෙක් රක්ෂිත බන්ධනාගාර ගත නොකරන බව සඳහන් කළ මහේස්ත්‍රාත්වරයා මීළඟ නඩු දිනය දක්වා පමණක් ඔහු රිමාන්ඩ් භාරයට පත් කරන බව කියා සිටියා.
ඉදිරියේදී සටහන් කර ගැනීමට නියමිත සාක්ෂිකරුවන්ගේ සාක්ෂි සම්බන්ධනයක් මීළඟ නඩු දිනයේ අධිකරණයට ඉදිරිපත් කිරීමට පියවර ගන්නා ලෙසත් මහේස්ත්‍රාත්වරයා අල්ලස් කොමිසමට වැඩිදුරටත් නි
