ශ්‍රී ලංකා මහ බැංකුව සිය 75 වන සංවත්සර සැමරුම නිමිත්තෙන් නිකුත් කළ රුපියල් 2000 නව සමරු නෝට්ටුව මහ බැංකු අධිපති ආචාර්ය නන්දලාල් වීරසිංහ මහතා විසින් අද ජනාධිපති අනුර කුමාර දිසානායක මහතා වෙත පිළිගන්වනු ලැබුවා. ඒ, ජනාධිපති කාර්යාලයේදීයි. සංසරණය සඳහා යොදන සමරු මුදල් නෝට්ටුවක් ලෙස එය නිකුත් කර ඇති බවයි ජනාධිපති මාධ්‍ය අංශය පැවසුවේ. එම මුදල් නෝට්ටුව ශ්‍රී ලංකා මහ බැංකුව විසින් නිකුත් කරන ලද 05 වන සමරු මුදල් නෝට්ටුව ද වනවා. ජාතික සංවර්ධනය සඳහා පදනම ලෙස ආර්ථික ස්ථාවරත්වය වර්ධනය කිරීම වෙනුවෙන් මහ බැංකුවේ නොනවතින කැපවීම පිළිබිඹු කරමින් “සමෘද්ධිය සඳහා ස්ථාවරත්වය” යන සංවත්සර තේමාව අනුව එම මුදල් නෝට්ටුව නිකුත් කර තිබෙනවා.